web counter
LEXO PA REKLAMA!

SHKARKO APP

App Store
Google Play

Champions/ Mungojnë vetëm dy emra për 16-shen, ja ndarja në vazot e shortit

2 Nëntor 2022, 07:40, Sport CNA

Champions/ Mungojnë vetëm dy emra për 16-shen, ja ndarja në

Ndeshjet e djeshme në Ligën e Kampioneve u kanë dhënë fund sfidave në katër grupe dhe kanë dhuruar një tablo pak më të qartë për turneun sa i përket fazës me eliminim direkt të tij. Tashmë janë zbuluar 14 nga 16 skuadrat që vazhdojnë më tej, teksa kanë mbetur për t’u njohur vetëm ekipet në Grupet E dhe F që do të shoqërojnë Çelsin dhe Realin.

Napoli, Porto, Bajern Mynih, Totenhem, Çelsi dhe Mançester Siti janë fituese të grupeve përkatëse dhe do të jenë në Vazon e Parë në short. Liverpuli, Klub Bryzh, Inter, Eintraht Frankfurt dhe Borusia Dortmund janë në vendin e dytë në grupin përkatës dhe do të jenë në Vazon e Dytë në short.

Ndërkohë Real Madrid, PSG dhe Benfika kanë siguruar kualifikimin, por vetëm ndeshjet e së mërkurës do të tregojnë se në cilën vazo do të jenë në short.

Rregullorja e shortit në këtë tur përcakton që skuadrat nuk mund të përballen me ekipe nga vendi i tyre apo me ekipin me të cilin kanë qenë në të njëjtin grup kualifikues. Shorti do të hidhet më datë 7 nëntor në Nion të Zvicrës dhe ndeshjet do të luhen në muajt shkurt dhe mars 2023.

Champions/ Mungojnë vetëm dy emra për 16-shen, ja ndarja në





Lajmet e fundit nga