web counter
LEXO PA REKLAMA!

SHKARKO APP

App Store
Google Play

E fundit!

x

Broja në krahun e djathtë? Silvinjo: Do bëjmë ndryshime ndaj Suedisë

24 Mars 2024, 17:52, Sport CNA

Broja në krahun e djathtë? Silvinjo: Do bëjmë ndryshime ndaj

Trajneri Silvinjo, deklaroi në konferencën për mediat, se mund të ketë ndryshime në formacion, për miqësoren ndaj Suedisë.

Sipas tij, ekipi duhet të fitojë eksperiencë, ndërsa shtoi se mbrojtja kuqezi, është një nga më të mirat në Europë

"Nesër mund të ketë ndryshime në formacion. Ne jemi një skuadër e re, Mitaj, Mihaj, Seferi, Ramadani, Asllani janë lojtarë që i kanë luajtur apo jo 10 ndeshje me Kombëtaren. Jemi skuadër që rritemi dita-ditës, nuk është fokusi te 1 apo 2 lojtarë. Duhet t’i japim eksperiencë një ekipi që është krijuar vitet e fundit. Mitaj është i frikshëm, ka 10 ndeshje, 20 vjeç dhe luan shkëlqyeshëm. Kemi Asllanin që luan te Interi dhe po mëson, me ne luan shkëlqyer.

Nuk mund të bëjmë 4-5 ndryshime e të hedhësh ekipin në fushë sikur të mos ketë ndodhur asgjë. Ne do t’i vëzhgojmë lojtarët në stërvitje, Kombëtarja nuk është klub që stërvitet gjithë javës, eksperimenton, këtu kemi pak kohë në dispozicion. Nuk mendojmë se jemi në gjendje të bëjmë 4-5 ndryshime.

Nesër do të marrim vendimin për titullarët. Me Kilin u mposhtëm 3-0, por futbolli kështu është. Nuk mendoj se ishte rezultati i duhur, ashtu siç fituam 3-0 me Çekinë. Duhet ta lëmë pas. Shqipëria ka një nga mbrojtjet më të mira të Europës, e pamë në kualifikuese. Kemi një ekip solid. Nëse pësojmë 3 gola nuk është vetëm faji i mbrojtjes. Duhet të shohim gjendjen e lojtarëve për të marrë vendimet e duhura për formacionin.

Broja në krahun e djathtë? E shohim nesër…

Plan B për formacionin kur ndeshja nuk po shkon siç duhet? Normale të provosh, por duhet të jemi të sigurt për ndryshimet që bëjmë. Kur humbet një ndeshje faji i hidhet gabimeve taktike. Ne luajtëm me 4-3-3, 4-2-3-1. Duhet të jemi të kujdesshëm kur bëjmë ndryshime, jo thjesht sepse humbëm një ndeshje. Varet nga karakteristikat e lojtarëve.

Humbja ndaj Kilit? Janë pak ditë për të analizuar, duhet të shohim gjendjen e lojtarëve të rishikojmë gjithçka. Kur të kthehemi në Tiranë do të kemi më shumë kohë për analiza dhe përgatitje. Nesër luajmë ndaj Suedisë dhe do të jetë një ndeshje e bukur”, tha Silvinjo.





Lajmet e fundit nga