web counter
LEXO PA REKLAMA!

SHKARKO APP

App Store
Google Play

E fundit!

x

Broja "djeg" kohën e rikuperimit, festë edhe te Kombëtarja

5 Shkurt 2025, 14:31, Sport CNA

Broja "djeg" kohën e rikuperimit, festë edhe te

Pas një periudhe të vështirë me lëndime dhe pasiguri për të ardhmen e tij, Armando Broja më në fund ka marrë një lajm të mirë. Fati nuk ia ka kthyer shpinën sulmuesit shqiptar, i cili pritet të rikthehet në fushë më shpejt sesa ishte parashikuar fillimisht.

Sipas raportimeve të fundit nga mediat britanike, trajneri i Evertonit, David Moyes, ka marrë lajme inkurajuese jo vetëm për Brojën, por edhe për sulmuesin tjetër të skuadrës, Kalvert-Ljuin. Kjo do të thotë se blutë e Liverpulit do të kenë në dispozicion dy nga opsionet kryesore të tyre në sulm, në një moment vendimtar të sezonit.

Sipas të dhënave të fundit, Armando Broja pritet të jetë i gatshëm për lojë brenda 4-5 javëve të ardhshme, që do të thotë se rikthimi i tij mund të ndodhë në fillim të marsit. Ky është një lajm shumë i rëndësishëm për Evertonin, që ndodhet në një betejë të ashpër për mbijetesë në Premier League.

Lajmi për rikuperimin e shpejtë të Brojës ka ndikuar edhe në strategjinë e merkatos së Evertonit. Trajneri Moyes ka vendosur që të mos shpenzojë për të sjellë një tjetër sulmues gjatë ditëve të fundit të afatit kalimtar dimëror. Ai beson se rikthimi i Brojës dhe Calvert Lewin do të mjaftojë për të përballuar sfidat e ardhshme të sezonit.

Pas një fillimi të vështirë të sezonit, Evertoni ka arritur disa rezultate pozitive radhazi dhe po shpreson që të shmangë rënien nga Premier Liga. Prania e Brojës në ekip do të ishte një shtysë e madhe për blutë, duke i dhënë skuadrës një alternativë të fuqishme në repartin ofensiv.

Rikthimi i shpejtë i Brojës nuk është i rëndësishëm vetëm për Evertonin, por edhe për Kombëtaren kuqezi. Shqipëria do të nisë eliminatoret e Kupës së Botës në mars, dhe prezenca e Brojës në dispozicion të trajnerit Silvinjo është një lajm i jashtëzakonshëm për kuqezinjtë.

Shqipëria e nis fushatën eliminatore me një ndeshje tepër të vështirë ndaj Anglisë më 21 mars në stadiumin legjendar “Wembley” në Londër. Tre ditë më pas, më 24 mars, kuqezinjtë do të përballen me Andorrën në “Arenën Kombëtare” në Tiranë.

Broja është një nga lojtarët më të rëndësishëm të brezit të ri të Kombëtares Shqiptare. Shpejtësia, fuqia fizike dhe aftësia për të finalizuar e bëjnë atë një nga sulmuesit më të talentuar që ka pasur Shqipëria në vitet e fundit. Rikthimi i tij vjen në një moment kritik, si për Evertonin ashtu edhe për Kombëtaren, dhe pritshmëritë janë të larta për ndikimin që ai mund të ketë në fushë.

Nëse Broja arrin të rikuperohet plotësisht dhe të hyjë në formën e tij më të mirë, ai mund të bëhet një faktor kyç për Evertonin në luftën për mbijetesë dhe për Shqipërinë në përpjekjen për t’u kualifikuar në Kupën e Botës.





Lajmet e fundit nga