E fundit!

14:44 Editorial

"Terroristët" e rrjeteve sociale duhen çuar para drejtësisë

Prej ditësh bizneset në Shqipëri u përballën me një fo...

Klubi italian synon Ancelotti-n, trajneri: Kontratat mund të ndërpriten...

4 Shkurt 2025, 20:30, Sport CNA

Klubi italian synon Ancelotti-n, trajneri: Kontratat mund të

Carlo Ancelotti mund të rikthehet në Serinë A, duke nisur nga sezoni i ardhshëm. Sipas raportimeve nga media spanjolle “AS”, tekniku italian mund të largohet nga Real Madrid në fund të sezonit, pavarësisht se ai vetë ka mohuar publikisht një skenar të tillë.

Destinacioni i ardhshëm i Ancelotti-t , pritet të jetë kryeqyteti italian. Roma duket se është klubi më i interesuar, duke i ofruar një kontratë të rëndësishme për ta bindur që të marrë drejtimin e ekipit. Pronarët amerikanë të verdhekuqve janë të vendosur për të ndërtuar një projekt afatgjatë, dhe emri i Ancelotit shihet si zgjedhja ideale për të sjellë stabilitet dhe sukses.

Në vitet e fundit, Roma ka eksperimentuar me trajnerë të ndryshëm, përfshirë De Rosin, Juriç dhe Ranierin, por asnjëri nuk ka arritur të sjellë stabilitetin dhe rezultatet e dëshiruara. Për këtë arsye, një emër me përvojë si trajneri aktual i Realit shihet si një zgjidhje e përkryer për të udhëhequr klubin drejt objektivave të mëdha.

Vetë Ancelotti ka lënë të hapur mundësinë e një lëvizjeje në të ardhmen, megjithëse ai vazhdon të theksojë se është i lumtur në Madrid.

“Flitet shumë për një lëvizje të mundshme te Roma, por unë jam i lumtur në Madrid dhe dua të qëndroj gjatë këtu. Ranierin e kam mik dhe po shkon mirë. Jam i lumtur për të. Me Romën kam një marrëdhënie të shkëlqyer dhe kujtime të bukura, por ka një rrugë të gjatë përpara. Kam edhe dy vite kontratë këtu, por kontratat mund të ndërpriten ose rinovohen…”, tha tekniku italian.

Ancelotti ka një histori të veçantë me Romën. Ai ka luajtur për verdhekuqtë në vitet 1979-1987, duke fituar një titull të Serisë A dhe disa Kupa të Italisë. Për këtë arsye, një rikthim si trajner mund të shihet si një mbyllje e bukur e një cikli të rëndësishëm në karrierën e tij.

Nëse vendos të largohet nga Real Madrid dhe të pranojë ofertën e Romës, Ancelotti do të përballej me një sfidë krejtësisht ndryshe nga ajo që ka pasur në Madrid. Roma nuk ka të njëjtin nivel financiar dhe nuk është një skuadër që lufton për Champions çdo sezon, por është një klub me histori të pasur dhe një bazë të zjarrtë tifozësh.

Nëse Ancelotti largohet nga Real Madrid, klubi spanjoll do të duhet të gjejë një pasues të denjë për të. Nën drejtimin e tij, Real Madridi ka qenë një nga skuadrat më të mira në Evropë, duke fituar tituj të rëndësishëm si La Liga dhe Champions Liga. Një largim i tij do të linte një boshllëk të madh, dhe Florentino Perez do të duhej të mendonte me kujdes për zgjedhjen e trajnerit të ri.