E fundit!

11:00 Denoncim

Dokumenti/ Familjarët e vrasësit të policit në Maliq përfituan fonde nga AZHBR

Vrasja e efektivit Enea Mekolli në krye të detyrës ka nxje...

Reagim i ashpër nga Real Madrid: Skandale arbitrimi, janë tejkaluar kufijtë...

3 Shkurt 2025, 21:54, Sport CNA

Reagim i ashpër nga Real Madrid: Skandale arbitrimi, janë tejkaluar

Real Madridi ka ndezur sërish polemikat ndaj arbitrave spanjollë, pas një ndeshjeje të diskutueshme ndaj Espanyol. Humbja e pësuar nga skuadra madrilene nuk është parë thjesht si një rezultat sportiv, por si një episod tjetër i asaj që klubi e quan një sistem gjykimi të padrejtë dhe të manipuluar. Në qendër të polemikave qëndron vendimi i gjyqtarëve për të mos përjashtuar mbrojtësin e Espanyol, Carlos Romero, i cili bëri një ndërhyrje të ashpër ndaj Kylian Mbappe, kur rezultati ishte ende 0-0. Jo vetëm që Romero nuk u ndëshkua me karton të kuq, por më vonë ishte ai që shënoi golin e fitores për Espanyol, duke i dhënë skuadrës nga qyteti i Barcelonës një triumf të papritur ndaj gjigantëve madrilenë. Pas ndeshjes, Real Madridi nuk ka qëndruar i heshtur, por ka shpërthyer në akuza të forta ndaj Federatës Spanjolle të Futbollit dhe sistemit të arbitrimit në La Liga.

“Ngjarjet e ndodhura në këtë ndeshje kanë tejkaluar çdo kufi të gabimit njerëzor apo interpretimit të gjyqtarëve. Ajo që ndodhi përfaqëson kulmin e një sistemi të gjykimit plotësisht të diskredituar, në të cilin vendimet kundër Real Madridit kanë arritur një nivel të manipulimit dhe falimentimit të garës, që më nuk mund të injorohen”, shkruhet në reagimin e klubit madrilen.

Ky reagim i ashpër tregon se polemikat mes Real Madridit dhe federatës spanjolle janë thelluar edhe më shumë, duke arritur në një pikë ku marrëdhëniet mes palëve duken më të tensionuara se kurrë. Në deklaratën e gjatë të klubit, theksohet se dy vendimet më të rëndësishme të kësaj ndeshjeje tregojnë edhe një herë standardin e dyfishtë me të cilin trajtohet Real Madridi në La Liga. Ndërhyrja e Romeros ndaj Mbappe u cilësua si një veprim që meritonte karton të kuq të drejtpërdrejtë, por gjyqtari kryesor vendosi ta ndëshkojë vetëm me karton të verdhë, duke lënë Espanjolin me 11 lojtarë në fushë.

Goli i anuluar i Viniciusit, për një vendim të diskutueshëm të VAR-it, ka qenë gjithashtu një tjetër pikë që ka shkaktuar irritim në kampin madrilen. Reali ka kërkuar urgjentisht audioincizimet nga dhoma e VAR-it për të zbuluar diskutimet që u bënë mbi këto dy episode vendimtare të ndeshjes.

“Ky skandal i referimit nuk është një rast i izoluar. Sistemi spanjoll i referimit është me plot të meta dhe i organizuar për të mbrojtur veten. Problemet serioze në federatën spanjolle janë evidente prej vitesh. Real Madridi nuk mund të pranojë që gara të vazhdojë të drejtohet nga ky sistem i korruptuar dhe i diskredituar”, shkruhet më tej në letrën e klubit.

Nuk është hera e parë që Real Madridi përplaset me Federatën e Futbollit të Spanjës dhe sistemin e arbitrimit. Polemikat për gjykimet e padrejta ndaj “Los Blancos” kanë qenë të vazhdueshme gjatë viteve të fundit, sidomos pas disa rasteve të diskutueshme që kanë ndikuar në renditjen dhe ecurinë e klubit në La Liga. Real Madridi duket i vendosur të mos e lërë me kaq këtë çështje. Klubi ka nisur një ofensivë të fuqishme ligjore dhe mediatike, duke kërkuar: Publikimin e audios së VAR-it për episodet e diskutueshme të ndeshjes. Hetime të mëtejshme mbi sistemin e arbitrimit në La Liga dhe Reforma në Federatën Spanjolle të Futbollit, për të garantuar transparencë dhe drejtësi në garë.