E fundit!

13:13 Opinione Eduard Halimi

Si ta kuptojmë atë që po ndodh në Aeroportin e Vlorës?

Si ta kuptojmë atë që po ndodh në Aeroportin e Vlorës/ 7 K...

Sportisti i Vitit 2024 në aeronautikë/ Xhonatan Islami “rrëmben” çmimin e madh

4 Shkurt 2025, 20:46, Sport CNA

Xhonatan Islami rrëmben për të disatën herë radhazi çmimin “Sportisti më i mirë i vitit”, që akordohet nga Federata Shqiptare e Aeronautikës.

Islami u shpreh i lumtur për fitoren, ndërsa u ndal tek dy momente kyçe për të dhe federatën në vitin që lamë pas. Mes tyre, Islami tha se ndjehet krenar për organizimin perfekt që i është bërë Kampionatit Europian të Sporteve Ajrore, një meritë që siç tha sportisti i takon të gjithë federatës.

“Jam shumë i lumtur që 2024-tën e shikoj pas sepse mbi të gjitha ishte një sukses. Ishte shumë e vështirë për mua si sportist, por dy janë gjërat që më kanë lumtur vërtet në 2024-tën, e para është organizimi perfekt i kampionatit europian që të gjithë bashkë ia dolëm dhe e dyta që personalisht duke hequr të gjithë pjesën tjetër të garave, kemi një aeroklub që po organizon një garë dhe shpresoj si ai aeroklub jo vetëm uroj me shpirt që ata të vazhdojnë çdo vit, po të ketë edhe aeroklube të tjera që do të organizojnë evente dhe gara.

Personalisht këto kanë qenë ato dy çështjet që më kanë pëlqyer shumë dhe që më kanë gëzuar për 2024-tën. Sportisti i vitit është një kënaqësi e madhe për mua si çdo vit, është i vetmi çmim që përfshin të gjitha disiplinat e fluturimit. Personalisht jam një pilot që gjithmonë kam pasur dëshirë që të përfshihem në çdo disiplinë dhe të jap rezultatet e mia në çdo disiplinë dhe duke qenë kështu, është një nga çmimet që unë e vlerësoj shumë dhe jam shumë i lumtur”, tha Islami.

Çmimi Islamit iu dha nga Artion Vreto, Sekretar i Përgjithshëm i Federatës së Aeronautikës. Vreto, gjatë fjalës së tij, u ndal tek organizimi i kampionatit kombëtar të përbashkët mes Federatës së Aeronautike të Shqipërisë dhe asaj të Kosovës, gjë që ka sjellë rritjen e konkurrueshmërisë mes pilotëve në Kosovë dhe Shqipëri.

“Si çdo vit Federata Shqiptare e Aeronautikës kryen kampionatin e saj kombëtar, por edhe Kupën e Kombit në bashkëpunim dhe në një mënyrë të bashkëngjitur me Federatën Aeronautike të Kosovës, një kampionat të përbashkët.

Ndoshta vazhdojmë të jemi federatat e vetme të cilat kemi një kampionat të përbashkët dhe për këtë ndjehemi krenarë edhe në vitin 2024 me një sukses të plotë kemi realizuar kampionatin kombëtar. Që për hir së të vërtetës është një krenari sepse ka rritur shumë konkurrueshmërinë dhe standartin e pilotëve të dy shteteve shqiptare dhe në këtë mënyrë ne po rritemi të gjithë së bashku”, tha Vreto.

Vreto tha se duke rritur standardet pilotët e të dyja kombeve shqiptare, të Shqipërisë dhe Kosovës, do të mund të rriten paralelisht së bashku. /CNA