web counter
LEXO PA REKLAMA!

SHKARKO APP

App Store
Google Play

Brdaric: Nuk më intereson loja, por pikët. T’i tregojmë Dinamos se jemi ekipi më i mirë

27 Shtator 2024, 14:11, Sport CNA

Brdaric: Nuk më intereson loja, por pikët. T’i tregojmë

Trajneri i Vllaznisë, Thomas Brdaric, pret fitoren ndaj Dinamos, këtë të shtunë.

Në konferencën për shtyp, tekniku kuqeblu deklaroi se nuk është i interesuar për lojën, por vetëm për 3 pikët.

“Duhet të mbajmë ritmin, siç kemi bërë në ndeshjet e kaluara. Ishte një javë e shkurtër dhe nuk kishim shumë kohë për të menduar për të kaluarën, por mendojmë për të ardhmen.

Mendojmë vetëm për të mbajtur ritmin. Sfida është të mbajmë këtë performancë. Duhet të mendojmë për çdo ndeshje të radhës. Do të luajmë ndaj Dinamos dhe e dimë se është një nga ekipet më të mira në kampionat.

Ka lojtarë me cilësi shumë të mira individuale dhe një trajner me shumë përvojë. Por ne do të bëjmë çdo gjë që të jetë e mundur për të treguar se jemi ekipi më i mirë.

Për mua si trajner nuk është shumë e rëndësishme që skuadra të bëjë një futboll të bukur, por të marrë pikë. Nëse ekipi luan edhe bukur, atëherë fitoret të shijojnë dhe më shumë.”, deklaroi Brdaric.





Lajmet e fundit nga