web counter
LEXO PA REKLAMA!

SHKARKO APP

App Store
Google Play

Brdaric: Kemi rikthime, kam marrë dhuratën më të mirë

25 Janar 2025, 13:55, Sport CNA

Brdaric: Kemi rikthime, kam marrë dhuratën më të mirë

Trajneri i Vllaznisë, Thomas Brdaric, foli për mediat në prag të sfidës me Egnatian, e cila luhet për kreun e renditjes.

Tekniku i shkodranëve vlerësoi kundërshtarin, ndërsa tha se skuadra e tij ka rikthime të rëndësishme për këtë përballje.

Sipas Brdaric, dhurata më e mirë që ka marrë është funksionimi i ekipit.

“Nesër do mundohemi për të kapur objektivat, e dimë që kemi përballë një ekip të fortë. Tetova është një trajner i mirë, Egnatia është skuadra më e mirë dhe ka bërë goditje të mira në merkato. Punojmë për rrugëdaljet tona, që t’ia vështirësojmë punën nesër skuadrës kundërshtare.

Unë ndjehem mirë sepse ekipi funksionon, është dhurata më e mirë që mund të marr, e ndjej shpirtin e ekipit. Kemi pasur mjaft punë deri tani, duhet të vazhdojmë rrugën tonë me cilësitë që kemi, punojmë hap pas hapi për çdo ndeshje. Objektivi është të rritemi në detaje, jemi në vendet e para dhe duhet të qëndrojmë aty, të bëjmë një futboll sa më të suksesshëm, të shënojmë dhe të mbrohemi mjaft mirë.

Kryesorja është që kemi më shumë mundësi në skuadër, Krymi dhe Gruda janë rikthyer, fatkeqësisht Qato nuk është me ne. Sot kemi edhe një stërvitje dhe të gjejmë 11-shen më të mirë për ditën e nesërme. Çdo lojtar që është në skuadër është në planet e mia, janë gjithmonë probleme që duhet ti zgjidhim, gjithsecili është të kuptojë pozicionin e tij, ata që do të jenë në fushë, të japin rezultat”, deklaroi Brdariç.





Lajmet e fundit nga