Milani i "dënuar" për fitore, Conceicao: Kam kaluar dhe më keq

22 Janar 2025, 17:04, Sport CNA

Milani i "dënuar" për fitore, Conceicao: Kam kaluar dhe

Milani do të përballet me Gironën, në sfidën e raundit të shtatë në Ligën e Kampioneve. Kuqezinjtë nuk kanë rezultat tjetër si alternativë, përveç fitores.

Ndonëse në “San Siro” pritet të jetë një ndeshje e vështirë, italianët janë të dënuar për të marrë fitoren.

Këtë e pranoi në konferencën për shtyp edhe trajneri Sergio Conceicao. Tekniku portugez, deklaroi se për shkak të historisë, Milani duhet të kalojë më tej.

Sipas tij, situata nuk është shumë e mirë, por pranoi se në të kaluarën është përballur edhe me gjëra më të vështira. Conceicao kërkoi ndihmën e tifozëve, për të marrë një rezultat pozitiv.

"Unë mendoj se të gjitha ndeshjet janë ndryshe. Është e vërtetë që të jesh në kompeticionin më të mirë të klubeve në botë është gjithmonë një motiv i madh. Skuadrat e mëdha si Milani duhet të punojnë çdo vit për të qenë prezent.

Në kampionat po punojmë që të ngjitemi në renditje. Do tëpërpiqemi ta dërgojë Milanin në raundin tjetër të Champions League. Histori është shumë e rëndësishme për të ecur përpara.

Këtë javë kishim pak kohë për tu përgatitur. Djemtë ishin tëpërqendruar ndaj atyre që ne kemi thënë. E thashë pas Juventusitqë është punë në nivelin mendor. Unë jam trajneri dhe duhet ta zgjidh këtë. Lojtarët kanë qenë të motivuar çdo ditë për tëpunuar dhe për të pasur evolucionin që ne kërkojmë. Duam tëbëjmë mirë në të gjitha garat, jo vetëm në Champions League.

Kërkojmë vazhdimësi. Edhe djemtë janë të vetëdijshëm se çfarë duhet bërë. Ne duhet të shikojmë njëri-tjetrin në sy, të punojmënë fushë dhe të besojmë në atë që bëjmë. Jam përballur edhe me situata më të këqija, por ndodh. Lojtarët janë të vetëdijshëm se ka shumë punë për të bërë dhe për tu përmirësuar.

Për këtë ndeshje kemi vetëm 12-13 lojtarë nga ekipi i parë. Tre portierë dhe tre të rinj. Kam një mesazh edhe për tifozët. Ata janë shpirti i skuadrës. Jemi në moment të vështirë dhe na duhet mbështetja e tyre. Janë lojtari i 12-të. Pa ata, klubi nuk ekziston. Ne kemi nevojë për ta.

Pulisic do të jetë me ne. Kemi stërvitjen e fundit, të shohim si do të jetë gjendja e tij. Nuk dua ta rrezikoj dhe ta humbas për dy muaj. Ai mund të jetë në stol, por nuk është mirë ta rrezikosh.

Problemi? Është trajneri ai që duhet të shpjegojë atë që dëshiron, jam unë që duhet të bëj diçka më shumë dhe kjo është arsyeja pse jam këtu”, deklaroi Conceicao.

Ndeshja Milan-Girona, do të luhet të Mërkurën, duke nisur nga ora 21:00 në stadiumin “San Siro”.