web counter
LEXO PA REKLAMA!

SHKARKO APP

App Store
Google Play

Champions League/ PSG-City, finale e parakohshme. Ndeshjet e fundit për raundin e shtatë

22 Janar 2025, 14:06, Sport CNA

Champions League/ PSG-City, finale e parakohshme. Ndeshjet e fundit për

Mbrëmjen e kësaj të mërkure, do të luhen nëntë ndeshjet e fundit për raundin e shtatë në Ligën e Kampioneve. 

Padyshim vëmendja më e madhe do të jetë te finalja e parakohshme, mes PSG-së dhe Manchester City-t. Dy ekipet janë përballur me vështirësi të mëdha në këtë kompeticion dhe për këtë arsye janë të rrezikuar për të mbetur jashtë. 

PSG-ja me 7 pikë në vendin e 25-të dhe City me 1 pikë më shumë në vendin e 22-të, e kanë detyrim fitoren, për të shpresuar te kualifikimi për më tej, nëpërmjet fazës “play off”. 

Ndeshja në “Parc de Prince” pritet të jetë shumë e luftuar, ndërsa spektakli është i garantuar, edhe për shkak të lojës së hapur që dy ekipet bëjnë. 

I dënuar për fitore është edhe Real Madrid, që përballet me Salzburg. Skuadra e Ancelotti-t mban vendin e 20-të me 9 pikë, ndërsa synimi i vetëm janë tri pikët. 

Përballje delikate edhe për Milan-in, që pret në shtëpi spanjollët e Gironës. Kuqezinjtë po përballen me probleme të mëdha këtë sezon dhe një kualifikim për në fazën tjetër, mund të rikthente disi qetësinë tek italianët. 

Champions League/ PSG-City, finale e parakohshme. Ndeshjet e fundit për

Trajneri Conceicao ishte i qartë, ku tha se në këtë përballje nuk ka rrugë tjetër përveç fitores. Inter luan në transfertë ndaj çekëve të Sparta Pragës. Te vendasit do të luajë edhe Qazim Laçi, me mesfushorin e Shqipërisë, që synon të lërë shenjë me gol. 

Në ndeshjet e tjera, Bayern Munich luan në Holandë ndaj Feyenoord, ndërsa Arsenali pret kroatët e Dinamo Zagreb.

Këto përballje do të zhvillohen në orën 21:00, ndërsa më herët Leipzig përballet me Sporting Lisbona, ndërsa Shahtjori përballet me Brest.  





Lajmet e fundit nga