E fundit!

22:29 Aktualitet

Protestuesit largohen nga Kryeministria/ Nisin marshimin në rrugët e kryeqytetit

Protestuesit janë larguar nga sheshi para Kryeministrisë, ...

U shkarkua nga Milani, Fonseca përgatit rikthimin

21 Janar 2025, 19:50, Sport CNA

U shkarkua nga drejtimi i Milanit pak kohë më parë, por Paulo Fonseca vazhdon të jetë një emër i përfolur dhe mund të rikthehet shumë shpejt në stol. Interesimet për portugezin vijnë nga kampionati francez, aty ku një sezon më parë shkëlqeu me Lilën.

Lyon dhe Marseille kanë hyrë në garë për të siguruar shërbimet e 51-vjeçarit. Situata te Lyon duket më e ngutshme, pasi rezultatet zhgënjyese në fushën e lojës dhe pozita e gjashtë në tabelën e klasifikimit kanë sjellë reagime të forta nga tifozët. Protestat e tyre kanë ushtruar presion mbi presidencën e klubit, e cila tani po shqyrton seriozisht shkarkimin e trajnerit aktual dhe emërimin e Fonsekës në krye të skuadrës. Lioni kërkon të rikthehet në majat e futbollit francez, dhe ish-trajneri i Milanit shihet si kandidati ideal për ta udhëhequr këtë projekt ambicioz.

Megjithatë, për të marrë drejtimin e Lyon, Fonseca kërkon garanci konkrete, jo vetëm sportive, por edhe ekonomike. Sipas raportimeve nga mediat franceze, klubi është nën kërcënimin e dënimeve për shkak të shkeljeve të rregullave financiare, çka e bën situatën më komplekse. Portugezi nuk është i gatshëm të marrë përsipër një detyrë që mund të kufizohet nga problemet buxhetore apo sanksionet ligjore.

Përveç ofertave nga Franca, një pistë e mundshme është edhe rikthimi te Porto. Në vitin 2013, Fonseca drejtoi ekipin portugez, duke fituar trofeun e parë në karrierën e tij si trajner, që ishte Superkupa e Portugalisë. Një rikthim në klubin ku nisi suksesi i tij mund të jetë një opsion interesant, veçanërisht nëse Porto vendos të ndryshojë drejtimin aktual të skuadrës.

Ndërkohë, interes për të ka shfaqur edhe West Ham në Premier League. Pas largimit nga Milani, ku ndërpreu kontratën që do të zgjaste deri në qershor të vitit 2026, Fonseca është i lirë të nisë një aventurë të re. Ky status i jep përparësi në negociata, duke i ofruar atij mundësinë për të zgjedhur projektin më të përshtatshëm për vizionin e tij.