web counter
LEXO PA REKLAMA!

SHKARKO APP

App Store
Google Play

E fundit!

x

Botërori i Peshëngritjes/ Mungon Erkand Qerimaj, Shqipëria përfaqësohet vetëm nga Calja

2 Prill 2024, 12:24, Sport CNA

Botërori i Peshëngritjes/ Mungon Erkand Qerimaj, Shqipëria

Shqipëria do të marrë pjesë vetëm me një peshëngritës në garat e Kampionatit Botëror. Eventi i fundit kualifikues për Lojërat Olimpike të Parisit, do të mbahet në Tajlandë dhe për Shqipërinë, do të jetë vetëm Briken Calja.

Shqipëria kishte regjistruar fillimisht dy peshëngritës në Botëror, dy emra të mëdhenj që kanë bërë historinë e këtij sporti në vendin tonë, Briken Caljen dhe Erkand Qerimajn, të dy në kategorinë e peshave 73 kg.

Peshëngritësi Qerimaj, do të mungojë, për shkak të problemeve shëndetësore. Kjo u bë e ditur nga vetë Federata Shqiptare e Peshëngritjes.

Ndërsa na ndajnë më pak sesa 4 muaj nga Lojërat Olimpike, Shqipëria vijon të mos ketë ende asnjë peshëngritës të kualifikuar me normë për në “Paris 2024”.

Të gjitha shpresat e Shqipërisë, tani janë te Briken Calja, i cili fitoi betejën me rënien nga pesha, duke zbritur në kategorinë 73 kilogramë. Shqiptari, synon shkëlqimin dhe kualifikimin për në Olimpiadë, por nuk do e ketë të lehtë.

Calja, konkurron në baterinë B të peshave 73 kilogramë, ndërsa e pret një rivalitet i lartë për 35 garuesve në tri bareti.

Gjithashtu Federata e Peshëngritjes, njoftoi se është marrë vendimi me 100% të votave që Shqiperia të jetë vendi organizator për zhvillimin e Kampionatit Botëror të të Rinjve për vitin 2027.





Lajmet e fundit nga