web counter
LEXO PA REKLAMA!

SHKARKO APP

App Store
Google Play

E fundit!

x

Shkëlqejnë shqiptarët, si u paraqitën legjionarët në fundjavë

1 Prill 2024, 13:43, Sport CNA

Shkëlqejnë shqiptarët, si u paraqitën legjionarët

Pas ndeshjeve miqësore të Kombëtares, legjionarët kuqezi janë rikthyer pranë klubeve të tyre dhe një pjesë kanë pasur mundësinë të japin kontributin në fushën e lojës. Ivan Balliu, Jon Mersinaj, Mario Mitaj, Naser Aliji, Qazim Laçi, Keidi Bare, Taulant Seferi dhe Abër Hoxha janë aktivizuar menjëherë titullarë me klubet e tyre.

Në La Liga këtë fundjavë nga minuta e parë ka luajtur vetëm Ivan Balliu. Mbrojtësi kuqezi zhvilloi një ndeshje të mirë në barazimin pa gola të Rayo Vallecano në tranfertë me Celta Vigon.

Në kampionatin italian, Berat Gjimishiti dha kontributin e tij si zëvendësues në fitoren 3-0 të Atalantës ndaj Napolit. Ndërsa një pjesë e lojtarëve kuqezi që luajnë në Itali i kanë të programuara ndeshjet për të hënën.

Mirlind Daku shkëlqeu këtë fundjavë me skuadrën e tij Rubin Kazan. Sulmuesi kuqezi shënoi gol dhe asistoi në takimin ndaj Akhmat Grozny. Daku fillimisht shërbeu saktë për shokun e skuadrës në minutën e 12-të të pjesës së parë, ndërsa në të 35-ën shënoi një gol shumë të bukur me kokë, duke dyfishuar rezultatin. Në fund sfida përfundoi 2-1 dhe Mirlind Daku u vlerësua si lojtari më i mirë i ndeshjes me notën 8.3 nga sajti i specializuar për statistika sofascore.

Rrugën e rrjetës e gjeti edhe Anis Mehmeti, i cili shënoi golin e vetëm të sfidës në fitoren e Bristol City ndaj Leicester.  Sulmuesi kuqezi realizoi një gol me tepër vlera duke i dhënë fitoren skuadrës së tij.





Lajmet e fundit nga