web counter
LEXO PA REKLAMA!

SHKARKO APP

App Store
Google Play

Java e 27-të nuk prodhon surpriza, si ndryshon renditja në Kategorinë e Parë

1 Prill 2024, 11:15, Sport CNA

Java e 27-të nuk prodhon surpriza, si ndryshon renditja në

Nuk kishte surpriza në ndeshjet e javës së 27-të në Kategorinë e Parë.

Elbasani u rikthye te fitorja teksa mposhti me rezultatin 3-1 Lushnjën në shtëpi. Ndeshja nisi malore për skuadrën e Nevil Dedes, që e pa veten në disavantazh në minutën e 15-të, pas golit të Muratit.

Megjithatë vendasit reaguan shpejt dhe në minutën e 19-të, Leo Melo, vendosi baraspeshën. Edon Hasani i mahniti të gjithë në minutën e 34-t, me mesfushorin që lëshoi një predhë nga jashtë zone, për ta ndalur topin në rrjetë.

Elbasani shkoi me avantazhin e një goli në dhomat e zhveshjes, ndërsa edhe pjesa e dytë nisi me gol, me Lleshin, që realizoi të tretin në minutën e 50-të.

Fitore e rëndësishme për Elbasanin, që mban vendin e parë në renditje me 63 pikë, 2 më shumë se Bylisi i vendit të dytë. Ballshiotët u rikthyen gjithashtu te fitorja, teksa mposhtën me rezultatin 2-0 Kastriotin.

Nuk prodhoi fitues, por as gola, sfida mes Flamurtarit dhe Apolonisë. Një ndeshje me raste të shumta në Vlorë, me dominim të vendasve, por skuadrat u ndanë në paqe. Me këtë barazim, Flamurtari mban vendin e tretë në renditje me 48 pikë, ndërsa Apolonia mban vendin e pestë me 40 pikë.

Përballje spektakolare ishte ajo mes Vorës dhe Korabit, ku u shënuan plotë 5 gola. Dibranët triumfuan me rezultatin 3-2, në një sfidë që nuk ishte e lehtë për ta.

Pjesa e parë u mbyll me avantazhin e Vorës, pas golit të shënuar nga Prengaj në minutën e 27-të. Fraksioni i dytë i lojës, nisi vrullshëm nga miqtë, që barazuan fillimisht me Reçin në minutën e 50-të, ndërsa 4 minuta më vonë, ishte Marku që përmbysi rezultatin. Goli i tretë për Korabin, u shënua nga Shehu në minutën e 67-të.

Në fund kishte vend edhe për një gol të Avdiut, por vlera e tij ishte vetëm statistikore për Vorën, që mbetet në vendin e katërt me 45 pikë, ndërsa Korabi renditet i gjashtu me 40 pikë.

Në sfidat e tjera, Luzi mposhti 2-1 Burrelin, ndërsa Besa shkatërroi Tomorin me rezultatin 4-1.

RENDITJA: 

Standings provided by Sofascore




Lajmet e fundit nga