web counter
LEXO PA REKLAMA!

SHKARKO APP

App Store
Google Play

Te Barcelona vendosin për trajnerin

2 Prill 2024, 12:21, Sport CNA

Te Barcelona vendosin për trajnerin

Drejtuesit e Barcelonës po tentojnë të bindin trajnerin Xavi, për të qëndruar në drejtimin e katalanasve edhe për sezonin e ardhshëm.

Tekniku spanjoll deklaroi se në fund të sezonit do të largohet, por te Barcelona kanë ende besim se ai mund të ndryshojë mendimin.

Drejtuesit dhe në veçanti presidenti Joan Laporta, e pëlqen shumë Xavin dhe dëshiron ta ketë gjatë në drejtimin e ekipit. Madje numri 1 i klubit, po përgatit një rinovim afatgjatë, për ta bindur të qëndrojë dhe do i besojë projektin për të ardhmen.

Aktualisht katalanasit kanë 11 ndeshje pa humbje dhe çuditërisht rezultati i fundit negativ përkon me kohën kur Ksavi deklaroi se në fund të sezonit do të largohej. Skuadra ka qenë mjaft e fortë në mbrojtje dhe është përmirësuar në sulm, gjë që duket në rezultatet e mira që kanë pasur deri më tani. Përveç kësaj edhe atmosfera në skuadër është përmirësuar. Barcelona është në çerekfinalen e Champions League dhe është e dyta në La Liga.

44-vjeçari duket i vendosur në vendimin e tij dhe nuk dëshiron të bëjë prapaktheu, por nuk përjashtohet se situata mund të ndryshojë deri në fund të sezonit.

Xavi ka kontratë me Barcelonën deri në verën e vitit 2025, ndërsa thuhet se do t'i ofrohet një rinovim afatgjatë, me trajnerin që do të ketë dorë të lirë në skuadër.

Xavi drejton Barcelonën nga nëntori i vitit 2021, ndërsa në 133 ndeshje në stol, numëron 83 fitore, 24 barazime dhe 26 humbje.





Lajmet e fundit nga