web counter
LEXO PA REKLAMA!

SHKARKO APP

App Store
Google Play

E fundit!

x

Barcelona me ecuri kampionësh, Flick ka gjetur çelësin e suksesit

12 Shkurt 2025, 16:58, Sport CNA

Barcelona me ecuri kampionësh, Flick ka gjetur çelësin e

Barcelona ka nisur vitin 2025 në mënyrë spektakolare, duke lënë pas problemet e fillimit të sezonit dhe duke u kthyer fuqishëm në garën për titullin e La Ligës. Rezultatet flasin vetë: pas një periudhe të vështirë në nëntor dhe dhjetor, ku skuadra u shkëput nga kreu i tabelës, tani katalanasit janë rikthyer në garë dhe mbi të gjitha, varet nga vetja për të fituar kampionatin.

Nëse Barcelona e nisi sezonin me një ecuri mbresëlënëse, me nëntë fitore dhe dy humbje në 12 ndeshjet e para, fillimi i vitit 2025 është edhe më i fortë. Me po të njëjtin numër fitoresh, por këtë herë me dy barazime në vend të dy humbjeve, ekipi ka përmirësuar ndjeshëm bilancin e tij. Më e rëndësishmja, Barcelona ka rikthyer efektivitetin në sulm, duke lënë pas problemet që e karakterizuan në muajt e parë të sezonit. Në dy ndeshjet e fundit, skuadra e Hansi Flick i ka marrë plot pesë pikë Realit të Madridit, duke ngushtuar diferencën në vetëm dy pikë mes tre ekipeve të kreut me 15 ndeshje të mbetura për t’u luajtur. Nëse vazhdon me këtë ritëm, Barça jo vetëm që ka një shans të madh për titullin e La Ligës, por edhe për të bërë një sezon historik.

Përveç ecurisë në kampionat, Barcelona ka arritur të fitojë Superkupën e Spanjës në një mënyrë dominuese ndaj Real Madridit dhe ka siguruar një kualifikim të qetë në 1/8 e Ligës së Kampionëve. Këto rezultate janë një dëshmi e qartë e rikthimit të skuadrës në nivelin e lartë të konkurrencës evropiane. Megjithatë, pavarësisht kësaj ecurie fantastike, ka ende disa aspekte ku skuadra duhet të përmirësohet. Këto probleme dolën në pah në ndeshjen kundër Sevillas, ku Barcelona pësoi një gol për shkak të një mungese përqendrimi në mbrojtje. Ky ishte i pari gol i pësuar nga qendra e fushës, një situatë që erdhi jo për shkak të një pozicionimi të keq të Arauhos, por sepse Sevija arriti të çajë mbrojtjen me vetëm katër pasime dhe të përballet me Sheznin brenda pak sekondash.

Reagimi i Hansi Flick pas kësaj ndeshjeje ishte i qartë, duke thënë këto lloj gabimesh nuk duhet të përsëriten. Ndërsa Barcelona ka një sulm të jashtëzakonshëm, duhet të ruajë balancën mesfushë-mbrojtje, në mënyrë që të shmangë situata të tilla të rrezikshme. Një tjetër problem që ka shqetësuar Flick është mungesa e disiplinës në disa raste, çka ka ndikuar drejtpërdrejt në disa rezultate. Kartoni i kuq i Fermin Lopez në ndeshjen kundër Sevijes ishte një shembull i qartë i kësaj. Në një situatë ku Barcelona udhëhiqte 1-3, nuk kishte asnjë arsye për një ndërhyrje të tillë të panevojshme, duke e lënë ekipin me një lojtar më pak për gjysmë ore lojë. Një episod i ngjashëm ndodhi edhe në ndeshjen kundër Selta Vigos, ku Kasado u përjashtua me karton të kuq, duke bërë që Barcelona të humbasë dy pikë të vlefshme.

Pavarësisht sfidave të disiplinës dhe mbrojtjes, një nga pikat më të forta të Barcelonës këtë sezon ka qenë aftësia e saj për të shënuar gola. Statistikat tregojnë se asnjë skuadër tjetër në Evropë nuk ka rekorde më të mira në sulm, një tregues i qartë se mekanizmat e skuadrës po funksionojnë në mënyrë perfekte në fazën ofensive. Barcelona po kalon një moment të shkëlqyer dhe është rikthyer fuqishëm në luftën për titullin e La Ligës dhe suksesin evropian. Superkupa e Spanjës, e fituar ndaj Real Madridit, ishte një sinjal i qartë se kjo skuadër është gati të luftojë për çdo trofe.





Lajmet e fundit nga