web counter
LEXO PA REKLAMA!

SHKARKO APP

App Store
Google Play

E fundit!

x

Asllani: Nuk e prisja të isha titullar te Shqipëria, gati për të zëvendësuar Calhanoglu

20 Nëntor 2024, 18:58, Sport CNA

Asllani: Nuk e prisja të isha titullar te Shqipëria, gati për

Kristjan Asllani është gati për të zëvendësuar Hakan Calhanoglu tek Interi, pas dëmtimit të pësuar nga turku.

Shqiptari mund të jetë titullar ndaj Hellas Verona, ndërsa në një prononcim për “SportMediaset”, deklaroi se është gati.

Ndër të tjera, mesfushori deklaroi se nuk e priste që në ndeshjen e parë të Shqipërisë të luante titullar, ndërsa theksoi se nuk ka shumë ndryshim në rolin që ka në Kombëtare dhe tek Interi.

“Nga kjo mund të përfitojë Asllani, i cili duket gati për të luajtur nga minuta e parë, dukë thënë se ndihet i rritur dhe shfrytëzon çdo mundësi që i jepet.

Nëse Calhanoglu qëndron jashtë, në fakt nuk e di nëse është radha ime. Siç kam thënë gjithmonë, përpiqem të punoj shumë çdo ditë, çfarë vjen, vjen. E ??kam thënë gjithmonë, ndihem shumë i rritur, atë që më jepet qoftë edhe 20 minuta, përpiqem të përfitoj sa më shumë, në fund të fundit jam vetëm 22 vjeç.

Jam i lumtur sepse në këtë muaj të fundit le të themi se nuk isha pothuajse kurrë në dispozicion për shkak të dëmtimit të gjurit. Mendova se nuk do të luaja në ndeshjen e parë me Shqipërinë. Përkundrazi, unë luajta të dyja për 90 minuta. E falënderoj trajnerin Silvinjo, e falënderoj shumë.

Ndryshimi mes lojës te Interi dhe Shqipëria? Nuk ndryshon shumë, unë mund t’i luaj të gjitha rolet në mesfushë, gjithmonë kam qenë para mbrojtjes, e preferoj atë rol.

Jemi Interi, objektivi është të sjellim trofe në shtëpi, duhet të fitojmë. Ne duam të fitojmë sërish titullin, por edhe të jemi protagonistë në Champions.

Në kampionat ka skuadra shumë të forta. Ka skuadra që kanë bërë merkato të mirë, që luajnë për të fituar. Ne fituam vitin e kaluar, është e vështirë të konfirmohesh, ne punojmë për këtë. Ne po stërvitemi shumë më fort se vitin e kaluar dhe kemi objektiva të qarta”, deklaroi Asllani.





Lajmet e fundit nga