web counter
LEXO PA REKLAMA!

SHKARKO APP

App Store
Google Play

Sfida ndaj Dinamos, Skënderbeu me një mungesë të madhe

20 Nëntor 2024, 11:55, Sport CNA

Sfida ndaj Dinamos, Skënderbeu me një mungesë të madhe


Pas pauzës së kombëtareve, Skënderbeu do të rikthehet në fushë të shtunën, në sfidën e Superiores, aty ku pret në shtëpi Dinamon.

Korçarët ndodhen në pozita aspak komode dhe fitorja kthehet në detyrim ndaj kryeqytetasve. Dinamo ka treguar një formë të shkëlqyer në javët e fundit, duke u ngjitur në pozitat e larta, por juglindorët duan t’i surprizojnë në shtëpi.

Për këtë takim, Skënderbeu do të ketë një mungesë të rëndësishme, siç është ajo e mbrojtësit Elvis Prençi. Ky i fundit u dëmtua ndaj Teutës dhe ende nuk është gati për të zbritur në fushë.

Pas ekzaminimeve të kryera së fundmi, u zbulua se kapiteni i Skënderbeut do të duhet të qëndrojë jashtë fushave për të paktën dy javë të tjera, duke humbur kështu ndeshjen me Dinamon. Një mungesë që ndikon shumë te bardhekuqtë, për shkak të rëndësisë që lojtari ka në formacionin e trajnerit Ivan Gvozdenovic.

Kjo edhe për faktin se Prençi është një pikë e rëndësishme në prapavijë dhe korçarëve u duhet të bëjnë një plan tjetër për ndeshjen me blutë.

Rikuperimi i Liridon Balajt qetëson disi kampin bardhekuq, por që të gjitha shpresat janë te gjendja fizike e Randit dhe Dokës. Të dy janë bashkuar me ekipin pas problemeve fizike dhe kjo është një shenjë e mirë në prag të një dueli të rëndësishëm në kampionat.

Ndeshja mes Skënderbeut dhe Dinamos është planifikuar të luhet ditën e shtunë, duke nisur nga ora 17:00, në stadiumin e Korçës.





Lajmet e fundit nga