web counter
LEXO PA REKLAMA!

SHKARKO APP

App Store
Google Play

Kapiteni i Shqipërisë: Kjo ishte ndeshja më e keqe e tre viteve të fundit

19 Nëntor 2024, 23:19, Sport CNA

Kapiteni i Shqipërisë: Kjo ishte ndeshja më e keqe e tre viteve

Për kapitenin e Kombëtares, Ardian Ismajlin, humbja 1-2 ndaj Ukrainës, në ndeshjen e fundit për fazën e Ligës, në Ligën e Kombeve, kjo ishte sfida më e keqe e tre viteve të fundit.

Mbrojtësi "kuqezi" u shpreh pas ndeshjes se Kombëtarja duhet të mësojë shumë nga kjo ndeshje si dhe të shikojë përpara tashmë.

"Besoj që pjesa e parë ka qenë ndeshja me e keqe nga ana e jonë në këto tre vitet e fundit. Ashtu ishte edhe me Çekinë filluam keq, por patëm fat, por fatin nuk e ke gjithmonë nga vetja dhe pësuam ato dy gola. Në pjesën e dytë u përqendruam më shumë, nuk kishim ca të humbisnim më. Një pjesë e dytë ishim shumë mirë. Dhemb shumë.

Duke marrë mësim nga pjesa e parë, që ka qenë shumë e keqe, njeriu në jetë mëson dhe ne duhet të mësojmë nga ky gabim shumë i madh sepse i dhamë shumë mundësi Ukrainës në pjesën e parë. Lodhja bën të vetën, por kur je para publikut, 20 mijë fansa nuk duhet të ketë lodhje, por duhet të mësojmë shumë nga kjo ndeshje sepe kemi qenë shumë të mërzitur në pjesën e parë, por e rëndësishme është që në pjesën e dytë provuam dhe tani të shikojmë përpara.

Me thënë të drejtën ato dy golat i morëm shumë shpejt dhe ramë shumë keq. Ato dy goditje i morëm dhe pastaj ishte shumë e vështirë. Tentuam të bëjmë maksimumin. Sa i përket pjesës së dytë s’patëm çfarë të humbisnim më. Unë e thashë edhe më herët që pjesa e parë ishte ndeshja më e keqe në këto tre vite. Duhet të mësojmë shumë nga kjo ndeshje"-tha fillimisht ai.

Teksa sa i përket formacionit nëse ishte i duhuri apo jo Ismajli u shpreh se kjo është zgjedhje e trajnerit.

"Jam profesionist dhe ata janë zgjedhje të trajnerit dhe e patë që në pjesën e dytë ndryshoi edhe formacioni edhe ca lojtarë edhe patëm raste"-deklaroi Ismajli./CNA





Lajmet e fundit nga