web counter
LEXO PA REKLAMA!

SHKARKO APP

App Store
Google Play

E fundit!

x

Zbulohet arsyeja pse Grizman nuk luan më shumë se 28 minuta tek Atletiko Madrid, do të lënë pa para Barcelonën

22 Gusht 2022, 15:52, Sport CNA
Zbulohet arsyeja pse Grizman nuk luan më shumë se 28 minuta tek
Grizman

Atletiko Madrid po përpiqet me të gjitha mënyrat të shmangë blerjen e kontratës së Antoine Grizman nga Barcelona verën e ardhshme. Grizman u kthye në Atletiko Madrid në një huazim dyvjeçar nga Barcelona verën e kaluar dhe ekipi i Simeones do të duhet të paguajë 40 milionë euro për francezin në fund të këtij sezoni.

Në kontratë thuhet se Atletiko duhet ta blejë kontratën e Grizmanit për atë shumë parash, por mediat spanjolle thonë se klubi madrilen po përpiqet ta shmangë në çdo mënyrë sepse nuk duan që Grizman të qëndrojë. Së fundmi ata u përpoqën të bien dakord me Barcelonën për të ndërprerë huazimin ose opsionin që francezi të shkojë në një klub tjetër, por katalanasit refuzuan.

Megjithatë, duket se Atletiko ka një tjetër mundësi për të shmangur pagesën e 40 milionë eurove verën e ardhshme për Grizman. Thuhet se francezi ka një klauzolë në kontratën e tij sipas së cilës Atletiko duhet ta blejë kontratën e tij nëse luan më shumë se 30 minuta në ndeshje gjatë sezonit.

Tek Atlétiko padyshim që e kanë “studiuar” gjithçka mirë, pasi në fillim të sezonit të ri Grizman i nisi nga stoli të dyja ndeshjet e La Ligës dhe është akoma më interesante se në të dyja luajti saktësisht 28 minuta. Duhet theksuar se në atë rast nuk llogariten minutat shtesë, por vetëm koha që lojtari ka kaluar në 90 minutat e rregullta të ndeshjes. Ditën e djeshme ndaj Vijarrealit, Grizman hyri në lojë në minutën e 62-të, ashtu si në turin e parë në ndeshjen ndaj Getafes, kur arriti të shënonte gol në fitoren 3-0.





Lajmet e fundit nga