web counter
LEXO PA REKLAMA!

SHKARKO APP

App Store
Google Play

Tirana arkëton 400 mijë euro, zbulohen detajet e marrëveshjes për shitjen e Seferit

22 Gusht 2022, 11:30, Sport CNA
Tirana arkëton 400 mijë euro, zbulohen detajet e marrëveshjes
Taulant Seferi ne aeroportin e Shkupit

Tirana shet Taulant Seferin. Sulmuesi nga Kumanova u jep lamtumirën bardhebluve pas një viti e tetë muajsh aventurë te Tirana. Bardheblutë kanë vendosur ta shesin lojtarin te Vorskla Poltava. OpenTV ka siguruar fotot ekskluzive pak para nisjes nga aeroporti i Shkupit për në Ukrainë.

Kampionët e Shqipërisë do të përfitojnë 400 mijë euro nga shitja e kartonit, duke bërë një tjetër goditje të madhe në merkaton e lojtarëve. Kështu Tirana vetëm për dy lojtarë, shitjen e Totres dhe Seferit, arkëton rreth 700 mijë euro.

Vetë futbollisti nuk ka reaguar për marrëveshjen, por nga ana tjetër Seferi ka firmosur për 3 vite me Vorsklën dhe gjatë kësaj periudhe 25-vjeçari do të përfitojë 270 mijë euro në vit.

Dueli ndaj Kukësit, ishte i fundit me fanellën e Tiranës për Seferin, që arriti të linte gjurmë me skuadrën bardheblu, duke u shndërruar në lider.

Vlen të theksohet se te Vorskla e Poltavës, bomberi nga Kumanova, do të gjejë edhe mesfushorin Enur Totre, që sezonin e shkuar ishte pjesë e Tiranës.

HISTORIA

Vorskla Poltava prej kohësh i kishte vënë në tavolinë Tiranës një ofertë Taulant Seferin. Bardheblutë duhet të vendosnin nëse do të shisnin yllin e tyre të skuadrës apo do të shihnin diçka tjetër.

Prej kohësh bomberi 25-vjeçar ishte kthyer në stërvitje me bardheblutë, duke luajtur edhe me Kukësin. Autori i 19 golave sezonin që shkoi ishte duke medituar për ofertën ashtu si dhe drejtuesit e klubit.

Kreu i klubit kampion pretendonte të paktën 700 mijë euro për golashënuesin e sezonit të shkuar (së bashku me Guindon).

Ukrainasit, gjithsesi, nuk u tërhoqën për kartonin e 25-vjeçarit, i cili ishte nën kontratë me Tiranën edhe për dy vite.





Lajmet e fundit nga