web counter
LEXO PA REKLAMA!

SHKARKO APP

App Store
Google Play

E fundit!

x

Bajerni i Mynihut i pamëshirshëm, triumf me 7 gola në kampionat (VIDEO)

21 Gusht 2022, 20:53, Sport CNA

Bajerni i Mynihut i pamëshirshëm, triumf me 7 gola në kampionat

Bajerni i Mynihut ka “zgjuar përbindëshin”, duke triumfuar në transfertë me rezultatin 0-7 ndaj Bohum.

Kampionët në fuqi të Gjermanisë vijojnë me sukseset e padiskutueshme në sezonin e ri të Bundesligës.

Ekpi i Julian Nagelsmanit kishte kontrollin e të gjithë ndeshjes, ndërsa Sane ia doli të zhbllokonte rezultatin dhe të niste episodin e golave që në minutën e 4-t të sfidës.

Në minutën e 25-të ishte De Ligt ai i cili gjeti rrugën drejt rrjetës, ndërsa Koman trefishoi rezultatin për bavarezët në minutën e 33-të.

Mane realizoi në rrjetën e portës së Riemann në minutën e 40-të, por ajo goditje u anulua për pozicion jashtë loje. Megjithatë vetëm 3 minuta më pas senegalezi realizoi golin e katërt për Bajern Mynihun.

Në minutën e 60’ ishte po ai, Mane, që do të realizonte, megjithëse këtë herë shënoi nga pika e bardhë e penalltisë.

Si të mos mjaftonin golat e djemve të Nagelsmann, në minutën e 69’ një autogol i Gamboa e çoi rezultatin deri në ato momente në 0-6.

Serge Gnabri vulosi rezultatin dhe i dha fund dhimbjes së Bochum duke realizuar golin e shtatë dhe të fundit të kësaj sfide për bavarezët në minutën e 76’.





Lajmet e fundit nga