web counter
LEXO PA REKLAMA!

SHKARKO APP

App Store
Google Play

E fundit!

x

Kampione Europe me flamurin e Greqisë/ Elina Xhengo, shqiptarja që pasqyron përulësinë dhe sakrificat e emigrantëve

22 Gusht 2022, 12:04, Sport CNA
Kampione Europe me flamurin e Greqisë/ Elina Xhengo, shqiptarja që
Elina Xhengo

Quhet Elina Xhengo, e lindur dhe e rritur nga prindër shqiptarë e me familje shqiptare, por në sportin profesionist përfaqëson Greqinë ku ka kaluar pjesën më të madhe të jetës.

Në mbrëmjen e të artës së Luiza Gegës, Xhengo fitoi të artën në hedhjen e shtizës duke e ngjyrosur edhe më shumë kuqezi qiellin e Mynihut ku po zhvillohet Europiani i atletikës.

Elina ka lindur në Greqi në vitin 2002 dhe është vetëm 20 vjeçe, por konsiderohet e ardhmja e kësaj disipline. Prindërit emigruan shumë vite më parë dhe sot ajo konsiderohet edhe krenaria e Greqisë.

Mediat i kanë kushtuar një hapësirë të madhe ndërsa vetë atletja me përulësi shprehet se falë arritjes së saj, do të mund të largojë mamanë nga puna si pastruese pasi ajo ka sakrifikuar shumë për të deri në momentin që u shpall kampione Europe.

Shtetësinë e ka marrë vetëm pak kohë më parë pikërisht për shkak të sportit dhe sot Elina është një njeri krenar, pak rëndësi ka nëse ndihet më shumë greke apo shqiptare.

Xhengo është rekordmenia europiane për sa i përket moshës së një kampioneje. 20-vjeçarja thyen rekordin e vendosur në vitin 1962 nga Elvira Ozolina që u shpall kampione kontinenti në moshën 23-vjeçare.





Lajmet e fundit nga