web counter
LEXO PA REKLAMA!

SHKARKO APP

App Store
Google Play

E fundit!

x

Dy gola pë ditëlindje/ Gruaja e Levandovskit nuk përmbahet, e “djeg” fare me miqtë e saj

22 Gusht 2022, 12:18, Sport CNA

Robert Levandovski pati një ditëlindje të paharrueshme dje, e festoi 34-vjetorin e tij me një dopietë në “Anoeta”. Bomberi polak e ndihmoi Barçën në fitoren e parë sezonale në La Liga. Sulmuesi ishte shumë i lumtur në fund të lojës, pasi bëri debutimin e tij si golashënues i Barçës.

Edhe familja e tij gjithashtu shpërtheu në eufori për paraqitjen e shkëlqyer të polakut. Këtë e ka bërë të ditur Anna Levandovska, bashkëshortja e Robertit, përmes rrjeteve sociale në disa video.

Në të parën, influencuesja shihet duke festuar golin e hershëm të “Lewy”, e rrethuar nga miqtë, ndërsa në të dytën duket vetëm laptopi në të cilin po shikonte ndeshjen dhe golin e dytë të sulmuesit.

Levandovski nuk ka mundur ta kalojë ditëlindjen me familjen dhe me siguri do ta shfrytëzojë këtë të hënë për të qenë pranë më të dashurve të tij.

Duhet mbajtur mend se polaku është planifikuar të takohet me pjesën tjetër të skuadrës para orës 19:00 në “Ciutat Esportiva” për të kryer stërvitjen e rikuperimit dhe për të filluar përgatitjen për miqësoren kundër Manchester City, në nderim të Juan Carlos Unzué, të ardhurat e të cilës do të shkojnë për të financuar kërkimet për ALS.





Lajmet e fundit nga