E fundit!

19:17 Politikë

Nga Sekretari i Përgjithshëm te nënkryetarët/ Lista e kandidatëve për ekipin drejtues të PD-së

Në mbledhjen e Këshillit Kombëtar të PD-së, kryedemokrati ...

Abilaliaj: Partizani nuk e diskuton "Final Four", po përballemi me tur force

4 Mars 2025, 19:17, Sport CNA

Abilaliaj: Partizani nuk e diskuton "Final Four", po përballemi

Humbja me Elbasanin është hedhur pas krahëve te Partizanit. Të kuqtë duan të rikthehen te fitorja në kampionat dhe java e 28-të i vë përballë një transferte të vështirë, siç është ajo ndaj Vllaznisë.

Në prag të kësaj përballje, trajneri Arbër Abilaliaj vlerësoi maksimalisht kundërshtarin, por shtoi se kryeqytetasit synojnë të marrim maksimumin nga kjo ndeshje.

"Në Superligën shqiptare të gjitha ndeshjet janë të vështira, kanë historinë e vet, episodet e veta. Përballë kemi një ekip, i cili është në situatë komode, lufton për ekipet e veta, ka pasur qëndrueshmëri gjatë sezonit. Ne i dimë shumë mirë cilësitë tona dhe të ekipit që drejtojnë, kudo që të luajmë dhe shkojmë, do shkojmë për të marrë maksimumin."

I pyetur për vështirësitë e kësaj periudhe, Abilaliaj tha se Partizani po përballet me një tur force.

"Ne po kalojmë një tur force duke pasur parasysh dhe të gjitha vështirësitë që kanë ndodhur në klub. Me ndryshimin e trajnerit, filozofisë së lojës, shumë gjëra që duan kohën e vet për t’u automatizuar dhe për t’u bërë më të mira në fushën e lojës, të gjitha lëvizjes. Fakti që luajmë dhe jashtë, kaq shumë ndeshje, duhe të udhëtojmë përsëri, luajmë çdo 3 ditë. Dhe nga ana mentale është goxha sforco. Sido të jetë, duhet të shikojmë çdo ndeshje, çdo centimetër fushë në sy, për të marrë maksimumin kudo dhe më këdo që luajmë."

Abilaliaj mohon krizën te “demat”, ndërsa theksoi se “Final Four” nuk është diskutuar asnjëherë.

"Ne e shikojmë gotën gjithnjë gjysmë plot, duke pasur parasysh që me performancën dhe mundësitë që ka ekipi, mund të shkojë akoma më lart. Final Four nuk e kemi diskutuar asnjëherë, nuk dua ta diskutoj, pavarësisht si rrodhën ngjarjet në një ndeshje teke në Elbasan. Jam tejmase i bindur duke pasur parasysh dhe mënyrën si punojnë këto djem, kualitetin që ka gjithsecili prej tyre. Është moment siç e kanë pasur të gjitha skuadrat e tjera, moment për t’u kaluar, moment që na bën edhe më të fortë duke qenë bashkë me njëri-tjetrin, për të kaluar këtë moment “jo”."

Ndeshja Vllaznia-Partizani do të luhet këtë të mërkurë, duke nisur nga ora 16:30, në stadiumin “Loro Boriçi” të Shkodrës.