E fundit!

10:40 Aktualitet

Vrasja e efektivit/ Mbahen homazhet në nder të tij

Këtë të premte po mbahen homazhet në Korçë në nderim të ef...

Mbrëmje magjike në Champions/ Spikat Real-Atletico, transfertë delikate për Arsenal-in

4 Mars 2025, 08:17, Sport CNA

Mbrëmje magjike në Champions/ Spikat Real-Atletico, transfertë

Këtë të martë do të luhen katër ndeshje në Ligën e Kampioneve, të vlefshme për aktin e parë në raundin e 1/16-ve.

Padyshim vëmendja më e madhe do të jetë te derbi spanjoll. Real Madrid dhe Atletico Madrid përballen mes tyre, në një përballje ku spektakli është i garantuar.

Përveç kampionatit, dy ekipet janë përballur shpesh edhe në Ligën e Kampioneve, madje në dy finale, ku triumfues ka dalë Real-i. Padyshim kjo mund të quhet edhe si një finale e parakohshme, me një nga ekipet madrilene, që duhet të mbyllë aventurën në Champions më herët.

Në “Santiago Bernabeu” është shumë e vështirë për të zgjedhur një favorit, për shkak të luftës së ashpër, për të cilën karakterizohen dy skuadrat. Ky takim do të jetë një betejë mes strategjisë së Diego Simeone-s dhe stilit të hapur të Carlo Ancelotti-t.

Arsenali ka një transfertë delikate ndaj holandezëve të PSV Einthoven. Anglezët shihen si favoritë në lertër, por nuk pritet të jetë aspak e lehtë në fushë. Skuadra holandeze, eliminoi Juventus-in në fazën e kaluar, duke konfirmuar se mund të shkaktojë probleme.

Duke pasur parasysh edhe atmosferën e zjarrtë të tifozëve në Holandë, pritet të jetë një ndeshje spektakolare dhe emocionuese.

Përballje interesante është edhe ajo mes Club Brugge dhe Aston Villa-s. Belgët janë një ekip me përvojë në garat evropiane dhe gjithmonë kanë treguar një nivel të lartë konkurrueshmërie. Megjithatë, Aston Vila është në një formë të shkëlqyer këtë sezon dhe ka treguar forcën në Premier League. Trajneri Unai Emery ka eksperiencë të madhe në turnetë evropiane, dhe kjo mund të bëjë diferencën.

Sfida tjetër është ajo mes Borussia Dortmund dhe Lille. Stadiumi “Signal Iduna Park” do të jetë një faktor i rëndësishëm për Dortmundin, pasi atmosfera e krijuar nga tifozët e saj është një nga më të frikshmet në Evropë. Nga ana tjetër, Lila do të kërkojë të luajë me disiplinë dhe të shfrytëzojë kundërsulmet.

Champions-i tashmë është futur në fazë vendimtare dhe hapat fals mund të kushtojnë me eliminim, prandaj priten përballje shumë të bukura dhe të luftuara.