web counter
LEXO PA REKLAMA!

SHKARKO APP

App Store
Google Play

Struga miraton ligjin “fanatik”/ Ndalon shëtitjen e turistëve në qytet me rroba plazhi

19 Korrik 2023, 09:30, Sociale CNA

Struga miraton ligjin “fanatik”/ Ndalon shëtitjen e

Komuna e Strugës në Maqedoninë e Veriut ka ndaluar me ligj shëtitjen e turistëve në qytet me rroba plazhi.

Nëpërmjet një deklarate në rrjetet sociale, institucioni i Komunës së Strugës shkruan se sjellja e vizitorëve është imazhi i qytetit, ndaj duhet që të gjithë të pranishmit në qytetet, të përkohshëm apo jo, të ruajnë imazhin pozitiv të Strugës.

“Respektimi i rendit publik!

Me qëllim respektimin e rendit publik, sidomos gjatë sezonit veror turistik, përgjatë shëtitores qendrore (prej te Ura e Qarshisë dhe deri te Tregu i Gjelbër), ndalohet shëtitja me bikini dhe brekë plazhi gjatë gjithë ditës.

I lusim të gjithë mysafirët dhe turistët, të cilët po freskohen në liqen apo te Drini i Zi, që t’i respektojnë rregullat e mirësjelljes dhe të rendit publik, duke mos shfaqur lakuriqësi në sipërfaqe dhe hapësira publike.

Sjellja juaj është imazhi i qytetit, prandaj të mundohemi të gjithë bashkërisht ta ruajmë imazhin pozitiv të një destinacioni turistik siç është Struga”, thuhet në deklaratën e komunës në "Facebook".

Kjo nismë nuk është e paprecedentë nëse flasim për masat e marra nga qytetet turistike.

Qyteti turistik italian, Sorrento, vitin e kaluar vendosi të gjobisë të gjithë personat që do të lëviznin në rrugët e qytetit me bikini.

Turistët me bikini ishin kthyer në shqetësim për banorët vendas dhe si rezultat do të gjobiteshin për 500 euro nëse do të shkelnin këtë rregull. Bashkia e qytetit e konsideronte si sjellje të pahijshme në publik, gjë që mund të dëmtonte imazhin e qytetit./ CNA





Lajmet e fundit nga