web counter
LEXO PA REKLAMA!

SHKARKO APP

App Store
Google Play

E fundit!

x

Rikthehen reshjet e shiut/ Si parashikohet moti për javën e ardhshme

10 Nëntor 2024, 16:08, Sociale CNA
Rikthehen reshjet e shiut/ Si parashikohet moti për javën e ardhshme
Foto ilustruese

Për javën që vjen, vendi ynë pritet të ndikohet nga kushte atmosferike relativisht të qëndrueshme, me masa ajrore kryesisht të ftohta e vlera të larta të presionit atmosferik.

Ditët e hënë, e martë dhe e premte, vendi ynë pritet të ndikohet nga kushte atmosferike të qëndrueshme. Moti pritet të jetë i kthjellët e vranësira deri mesatar. Parashikohet shikim i reduktuar nga prezenca e mjegullës së dendur në orët e mëngjesit e të mbrëmjes në zonat luginore.

Era pritet të jetë me drejtim nga kuadrati i veriut me shpejtësi mesatare 2-8m/sek, ndërsa përgjatë vijës bregdetare e kryesisht asaj veriperëndimore dhe lugina do të fryjë 12-14m/sek, shoqëruar me valëzim 1-3 ballë.

Ditët e mërkurë dhe e enjte, moti pritet të jetë me alterime kthjellimesh të herëpasherëshme dhe vranësira deri të dendura, të cilat do të pasohen në pjesën më të madhe të territorit me reshje shiu me intensitet të ulët e lokalisht mesatar. Reshjet pritet të jenë në formën e shtrëngatave afatshkurta, shoqëruar hera – herës me shkarkesa elektrike.

Edhe të mërkurën dhe të enjten, shikimi do të jetë i reduktuar nga prezenca e mjegullës së dendur në orët e mëngjesit e të mbrëmjes, si dhe në momentin e reshjeve. Era pritet të jetë me drejtin verilindje –veriperëndim me shpejtësi mesatare 1-6m/sek, ndërsa përgjatë vijës bregdetare dhe në lugina 8-10m/sek, shoqëruar me valëzim 1-2 ballë./ CNA

Rikthehen reshjet e shiut/ Si parashikohet moti për javën e ardhshme





Lajmet e fundit nga