web counter
LEXO PA REKLAMA!

SHKARKO APP

App Store
Google Play

Përmirësohet moti/ Java nis pa shi, me temperatura deri në 26 gradë

18 Shtator 2022, 08:12, Sociale CNA

Përmirësohet moti/ Java nis pa shi, me temperatura deri në 26

Territori shqiptar në pjesët e para të ditës mbetet në mbizotërimin e vranësirave të shpeshta dhe shirave të pakët, ku më të dukshme reshjet do të jenë në zonat malore.

Por parashikohet që pjesa e dytë e ditës të sjellë përmirësime të dukshme të kushteve të motit duke larguar reshjet nga vendi ynë.

Temperaturat e ajrit do të vijojnë të ulen ndjeshëm në mëngjes dhe në mesditë duke luhatur vlerat ditore nga 9°C deri në 25°C.

Era do të fryjë mesatarisht me shpejtësi 50 km/h nga drejtimi verior-veriperëndimor duke krijuar në det dallgëzim mbi 4 ballë.

Ndërsa nesër, me 19 shtator 2022, sipas MeteoAlb, orët e para të ditës parashikohet të jenë me kthjellime dhe kalime të pakta të vranësirave, ku më të dukshme këto do të jenë në zonat malore.

Por pas mesdite pritet shtim gradual i vranësirave në vend, të cilat do të krijojnë mundësi për momente të pakta me pika shiu në zonat veriore.

Ndërsa pjesa tjetër e territorit do të vijojë me mot të qëndrueshëm.

Temperaturat e ajrit do të ulen në mëngjes, por do të rriten lehtë në mesditë duke luhatur vlerat ditore nga 7°C deri në 26°C.

Era do të fryjë e lehtë dhe mesatare me shpejtësi 35 km/h kryesisht nga drejtimi verilindor duke krijuar në brigjet detare dallgëzim mbi 2 ballë./CNA.al





Lajmet e fundit nga