web counter
LEXO PA REKLAMA!

SHKARKO APP

App Store
Google Play

Asnjë i regjistruar/ Mbyllen tre programe studimi në Universitetin e Korçës

14 Shtator 2022, 20:04, Sociale CNA
Asnjë i regjistruar/ Mbyllen tre programe studimi në Universitetin e
Foto ilustruese

Tre degë studimi do të mbyllen këtë vit të ri akademik në universitetin “Fan Noli” në Korça.

Bëhet fjalë për degën e matematikës, gjuhën frënge dhe biznesin, ku sipas rekorit Dhimitër Bello në fazën e parë të regjistrimeve në këto programe studimi nuk është regjistruar asnjë student.

“Mund të pezullohen për dy tre vjet siç ka ndodhur më parashkollorin disa vite më parë, që u mbyll për 1 a 2 vjet.”

Bello thotë se edhe në disa degë të tjera të mësuesisë dhe bujqësisë ka numër shumë të ulët të regjistrimeve.

Ndërsa më të preferuara janë programet e studimit në Fakultetin e të Shëndetit publik, kryeson infermieria dhe dega e biznesit.

“Programet më të kërkuara janë ato që maturantët mendojnë se do kenë më shumë mundësi për tu punësuar. Janë degët e financë-kontabilitet, infermieria, mamia edukimi fizik dhe sportet. Më pak kanë programet e mësuesi, veçohet anglishtja se të tjerat janë me shifra më të ulëta të regjistrimeve. Dhe tek fakulteti i bujqësisë nuk ka shifra të kënaqshme.”

Në fazën e parë janë regjistruar rreth 450 studentë, kjo shifër sipas rektorit është pak më e lartë se në vitin e kaluar akademik. Pjesa më e madhe e të regjistruarve në universitetin e Korçës janë të rinj që banojnë në këtë qark, por ka dhe një numër më të kufizuar nga Përrenjasi dhe Librazhdi./CNA.al





Lajmet e fundit nga