web counter
LEXO PA REKLAMA!

SHKARKO APP

App Store
Google Play

Kushi: Në 2030 arsimi i mesëm mund të bëhet i detyrueshëm

12 Shtator 2022, 15:56, Sociale CNA
Kushi: Në 2030 arsimi i mesëm mund të bëhet i
Evis Kushi

Ministria e Arsimit dhe Sportit, Evis Kushi, është shprehur se synojnë që në vitin 2030, arsimi i mesëm të bëhet i detyrueshëm në vendin tonë.

Në një intervistë për "Euronews Albania", Kushi ndër të tjera theksoi se për të arritur këtë objektiv duhet të ketë buxhet të mjaftueshëm.

“Vizioni i Shqipërisë 2030, është të na gjejë me arsimin e mesëm të detyrueshëm, po natyrisht është një sipërmarrje e madhe. Arsimin bazë e kemi 9 vite sa e kanë dhe shumë vende të tjera.  Arsimi i mesëm i detyrueshëm nuk varet nga dëshira e vullneti, por nga buxheti. Do të punojmë në këtë drejtim”, - tha ajo.

Kushi ndër të tjera tha se këtë vit, regjistrimi i nxënësve është bërë online, proces i cili sipas saj u ka ardhur në ndihmë prindërve dhe institucioneve arsimore për të ndarë nxënësit sipas vendbanimeve.

“Vitin e kaluar regjistrimi online ishte pilot sepse ishte vetëm në disa qarqe, ndërsa këtë vit regjistrimi i nxënësve ka qenë online për klasat e para e të dhjeta në të gjithë shkollat e vendit. Procesi ka ecur mirë. Akoma statistikat janë operative. Shifrat zyrtare do t'i kemi në nëntor. Regjistrimi online është komoditet, prindërit s’kanë nevojë për të marrë dokumente.

Kjo është një nga mënyrat që ne organizohemi më mirë. Ne kemi detyrimin që të kemi një organizim dhe një përhapje më normale në varësi të vendbanimit. Të mos kemi regjistrime më shumë në një shkollë ku kapaciteti është i ulët", - theksoi ndër të tjera Kushi./ euronews





Lajmet e fundit nga