web counter
LEXO PA REKLAMA!

SHKARKO APP

App Store
Google Play

E fundit!

x

Përmbytjet në Vaun e Dejës/ Banorët: Dëme të mëdha në shtëpi dhe biznese

27 Tetor 2025, 11:53, Sociale CNA

Përmbytjet në Vaun e Dejës/ Banorët: Dëme të

Ndonëse situata është përmirësuar, uji që përmbyti banorët e Vaut të Dejës ka lënë pas dëme të shumta. Një prej banorëve të prekur nga këto përmbytje është Ernest Paluku që banon afër përroit të Glinës që doli nga shtrati dhe për pak minuta solli një përmbytje të frikshme.

Paluku thotë aq shpejt dhe furishëm sa shkoi uji, situata mund të kishte qenë edhe më e rëndë për familjen e tij.

 “Kam pasur 1.5 metër ujë në banesë. Dëmi ishte shumë i madh. Ne e kemi ngritur zërin në instanca deri te deputetët. Kjo situatë ka ndodhur për 50 minuta, si asnjëherë më parë. Janë dëmtuar 2 makina, kam pasur edhe një biznes. Dëmi është shumë i madh. Realisht ky vend është bërë i pabanueshëm”,-tregon banori.

Përmbytjet në Vaun e Dejës/ Banorët: Dëme të

Strukturat e Bashkisë së Vaut të Dejës po bëjnë evidentimin e dëmeve dhe janë në gatishmëri për të ndihmuar familjet e përmbytura.

“Situata është përmirësuar. Strukturat e bashkisë po bëjnë evidentimin e dëmeve. Dëmet janë të konsiderueshme në oriendi shtëpiake, bagëti, shpendë dhe bletari. Po bëjmë pastrimin e përroit të Glinës, një zgjidhje provizore sepse zgjidhje përfundimtare është rehabilitimi i plotë i përroit”,-tha Ervis Preçi, zëvendëskryetar i Bashkisë Vau i Dejës.

Vau i Dejës është bashkia më e prekur nga këto përmbytje, por probleme nga vërshimi i përrenjve kishte edhe në Gurin e Zi, Kryebushat dhe te Harku i Bërdicës./CNA





Lajmet e fundit nga