E fundit!

10:27 Opinione Luan Rama

Teza serbe e “Mercenarëve të UÇK-së” dhe marrëzitë e zëdhënësve të saj në Tiranë

Gjetja apo sajimi, e më pas edhe përdorimi publik i një ki...

Lindshmëria në nivel historikisht të ulët në Shqipëri/ Rritet interesi për metodat e fertilitetit "in vitro" dhe ngrirja e vezëve

25 Mars 2025, 12:55, Sociale CNA

Lindshmëria në nivel historikisht të ulët në

Shqipëria ka shënuar një tjetër rekord negativ demografik. Sipas të dhënave për vitin 2024, në vend kanë lindur vetëm 22,425 foshnja, duke regjistruar një rënie prej 5% krahasuar me vitin 2023, shifra më e ulët e lindjeve që nga viti 1934.

Në një intervistë për CNA TV, gjinekologia e njohur, Sofika Xhelilaj, tha se rënia e lindshmërisë është pasojë direkte e pasigurisë ekonomike, dhe shtyrjes së vendimit për të bërë fëmijë nga shumë gra. Ndërsa në spitalin Rajonal të Vlorës, deri më tani, për vitin 2025 ka pasur 65 lindje.

Lindshmëria në nivel historikisht të ulët në

Një tjetër aspekt shqetësues që po vërehet gjithnjë e më shumë, sipas mjekëve specialistë, janë rastet në rritje të çifteve që përballen me vështirësi për të mbetur shtatzënë. Shenjat e para që sinjalizojnë këtë problem përfshijnë cikle menstruale të çrregullta ose mungesën e ovulacionit, dhimbje të forta gjatë periodave, sekrecione jonormale apo dhimbje gjatë marrëdhënieve intime, simptoma që shpesh lidhen me probleme si endometrioza apo sindroma e vezoreve policistike.

Lindshmëria në nivel historikisht të ulët në

Paralelisht me rënien e lindshmërisë natyrore, është vërejtur një rritje e interesit për metodat moderne të fertilitetit, si fertilizimi "in vitro" apo ngrirja e vezëve.

Në kushtet kur lindshmëria në vend po tregon një rënie të vazhdueshme, është e domosdoshme që vëmendja të përqendrohet jo vetëm te mbështetja e familjeve të reja, por edhe te lehtësimi i qasjes në shërbime të fertilitetit. Siç theksojnë edhe specialistët, identifikimi i hershëm i shenjave të vështirësive për të mbetur shtatzënë dhe trajtimi në kohë mund të bëjnë diferencën për shumë çifte. Ndaj, krahas politikave afatgjata, një rol të rëndësishëm luan edhe ndërgjegjësimi dhe edukimi shëndetësor për të rinjtë./CNA