web counter
LEXO PA REKLAMA!

SHKARKO APP

App Store
Google Play

E fundit!

x

Konflikte në familje/ Dyshimet e Gjovalin Mikajt: Gruaja është larguar bashkë me djalin 15 muajsh, e ka gënjyer dikush

24 Maj 2025, 15:06, Sociale CNA

Konflikte në familje/ Dyshimet e Gjovalin Mikajt: Gruaja është

Konfliktet në familje po prodhojnë histori nga më të ndryshmet. E tillë është ajo që ka ndodhur në familjen Mikaj.

Kryefamiljari Gjovalin Mikaj nga Boga e Malësisë së Madhe ka denoncuar në polici pretendimin e tij se bashkëshortja është larguar në drejtim të paditur nga shtëpia dy ditë më parë së bashku me të birin 15 muajsh.

“Ka dy ditë që më ka ikur gruaja dhe ka marrë edhe djalin 15 muajsh me vete. Nuk po gjej rrugëzgjidhje askund. E kam denoncuar rastin në polici dhe deri më tani nuk kam asnjë përgjigje për ta zgjidhur problemin. Unë kërkoj djalin se nuk e di çfarë ka bërë ajo, mbase e ka shitur ose nuk e di se çfarë ose as se ku ndodhet. E kam mbajtur më përpara 3 muaj djalin vetëm sepse iku në Itali ajo dhe e kishte lënë djalin e vogël në kishë, e ka lënë në rrugë të madhe dhe ka ikur. E kam mbajtur me shumë sakrificë dhe mund. Unë për atë djal jam i gatshëm të jap jetën. Unë dua vetëm djalin dhe jo gruan. Ajo nuk ka më punë me mua. Për herë të fundit kam kontaktuar para dy ditësh dhe më ka thënë fyerje të rënda dhe më ka thënë se nuk ke më punë me mua”, tha Gjovalin Mikaj.

Në çiftin Mikaj konfliktet kishin disa muaj që kishin agravuar deri në një situatë absurde ku bashkëshorti shprehet se nuk ishte në dijeni se gruaja e tij kishte pasur 3 martesa më parë dhe dy vajza nga këto martesa të mëparshme.

“Problemet mes nesh kanë nisur më përpara, por kanë qenë konflikte të dobëta. Vetë familja e saj e ka nxjerrë jashtë. Ajo ka edhe dy vajza të tjera që i ka lënë në Itali kur ishte këtu me mua. Unë nuk e kam ditur për dy vajzat e saj dhe ajo më ka thënë dua që të vij të shoh djalin dhe për hir të djalit të bashkohemi. Ka qenë tri herë e martuar përpara meje dhe unë për një martesë të saj e kam ditur, por për tri martesa jo, nuk kam qenë në dijeni. Më ka kërcënuar dhe madje ka bërë edhe denoncim në polici për mua sikur e kam dhunuar gjë që nuk është e vërtetë dhe as policia, as gjykata nuk ia kanë marrë parasysh. Ajo ka edhe probleme të shëndetit mendor besoj, nuk është në gjendje normale. Ne kemi pasur 3 vite e gjysmë të martuar dhe problemet kanë nisur vitin e fundit. Problemet kanë ardhur nga ana e saj se unë nuk kam pasur asgjë. Madje unë kam prishur marrëdhëniet me babain tim, me familjen time për hir të saj dhe për të rritur djalin. Unë besoj se e ka gënjyer dikush dhe e ka marrë dikush. Unë nuk e dua atë dhe nuk më intereson se ku ka ikur, unë dua vetëm djalin. Telefonin e ka të fikur, edhe familja e saj kërkojnë vetëm djalin e vogël dhe më kanë thënë se zëre se vajza jonë është e vdekur. Ata nuk e duan dhe e kanë bërë për të vdekur”, deklaroi Gjovalin Mikaj.

Tashmë ka mbetur në duart e organeve ligjzbatuese që kjo situatë të marrë një zgjidhje për babain që është në kërkim të fëmijës së tij./ CNA





Lajmet e fundit nga