web counter
LEXO PA REKLAMA!

SHKARKO APP

App Store
Google Play

E fundit!

x

Panairi i Punës dhe Karrierës në Universitetin e Gjirokastrës/ Mundësi për harmonizim të studimeve me tregun e punës

19 Maj 2025, 16:30, Sociale CNA

Panairi i Punës dhe Karrierës në Universitetin e

Universiteti i Shkodrës “Luigj Gurakuqi” organizoi Panairin e Punës dhe Karrierës duke bërë bashkë studentë, biznese të njohura në vend dhe ish-studentë të suksesshëm. Rektori Tonin Gjuraj deklaroi se duke nisur nga viti i ardhshëm, Universitetit të Shkodrës do t’i shtohet bordi i tregut të punës me figura të rëndësishme nga të gjitha fushat.

“Panairi i Punës dhe Karrierës tashmë do të jetë një praktikë e mirë, e konsoliduar, e përvitshme për të gjithë Universitetin. Po e bëjmë diçka të tillë sepse në filozofinë tonë kemi në qendër studentin. Treshja, administratë-staf-student ku ne t’i vendosim në shërbim dijen, profesionin, do jetë fokusi i punës tonë dhe do jetë motoja në vitet në vijim. Ne duke nisur nga viti i ardhshëm akademik do të përfshijmë në statutin e Universitetit një organ këshillimor që janë bordet e tregut të punës me figura të rëndësishme, personalitete të biznesit, të arsimit, të politikës, të medias, të bankave që do jenë kryesisht të suksesshëm të diplomuar në Universitetin tonë, që sot shkëlqejnë në këto drejtime dhe do të bëjnë oponencën e programeve tona të studimit”,-tha Gjuraj.

Panairi i Punës dhe Karrierës në Universitetin e

Është koha, tha rektori Gjuraj, që edhe universitetet shqiptare t’i përgjigjen nevojave të tregut të punës, siç po ndodh në disa vende të Europës.

 “Tashmë universitetet klasike duket sikur po rrudhen, ndërsa universitetet që vijnë nga industria i përgjigjen nevojave të bizneseve po shtohen gjithnjë e më shumë në Europë dhe botë. Në përputhje me programin kombëtar të punësimit ne do të rishikojmë kurrikulën dhe do ndërtojmë kurrikulat e programeve të studimit në përputhje me nevojat kombëtare dhe rajonale. Ajo që ne duhet të bëjmë është që të rrisim dhe të shumëfishojmë mundësitë për punësim për studentët tanë dhe fuqia e një institucioni nuk është numri i studentëve, por gjurmimi i studentëve të punësuar dhe rritja e shanseve për punësim. Sa më lart përqindja e të punësuarve, aq më i suksesshëm dhe aq më mirë matet cilësia e një universiteti”,-tha Gjuraj.

Panairi i Punës dhe Karrierës në Universitetin e

Zëvendëskryetarja e Bashkisë Shkodër, Teuta Qyteza tha se studimi duhet të lidhet me punësimin dhe ky Panair i Universitetit të Shkodrës e mundëson një gjë të tillë.

“Studimi të lidhet me punësimin sepse ky është qëllimi; harmonizimi i studimit me këtë panair pune, me pervojat e bizneseve, me gjithë të pranishmit këtu qoftë edhe me qendrën ‘Atelie’ që Bashkia Shkodër ia ka dedikuar totalisht shërbimit që ajo ofron vetëm për rininë e gjithë bashkisë nepërmjet shërbimeve dedikuar rinisë për t’i formësuar ato sa më mirë dhe për t’i përshtatur me trajnime dhe formime të tjera profesionale me aktivitetet që çdo ditë zhvillohen në këtë qendër rinore”,-tha Qyteza.  

Në këtë Panair të Punës dhe Karrierës të zhvilluar pranë Fakultetit Ekonomik të Universitetit të Shkodrës, studentët patën mundësi të njihen konkretisht me disa prej bizneseve të suksesshme rajonale në fusha të ndryshme./CNA

 

 





Lajmet e fundit nga