web counter
LEXO PA REKLAMA!

SHKARKO APP

App Store
Google Play

“Mungesë kriminale respekti për jetët e humbura”/ Dasho: Situata në Spitalin e Djegie-Plastikës njësoj si Onkologjiku

7 Maj 2025, 08:12, Sociale CNA

“Mungesë kriminale respekti për jetët e humbura”/

Mjeku Erion Dasho, me anë të një postimi në rrjetet sociale, shkruan se Spitali i Djegie-Plastikës është në të njëjtën situatë si ajo në Spitalin Onkologjik.

Dasho shkruan se ka një mungesë skandaloze vëmendjeje dhe mungesë respekti për jetët e humbura.

Gjithashtu mjeku shpreh mbështetjen për organet e drejtësisë që po hetojnë këtë situatë.

“Është kënaqësi të kontribuosh në një investigim kaq të plotë dhe profesional si ai i realizuar nga stafi i emisionit Vetting rreth skandaleve pa fund të Ministrisë së Shëndetësisë dhe QSUT-së.

Ajo që po ndodh sot me Spitalin e Djegie-Plastikës, ngjan si dy pika uji me atë që ka ndodhur me Urgjencën, Spitalin Onkologjik, etj., dhe ka vetëm një emër, mungesë skandaloze e vëmendjes për nevojat shëndetësore, mungesë kriminale respekti për jetët e humbura, përkundrejt grykësisë dhe pangopshmërisë për t'u majmur me fondet publike, me paret e destinuara për të shpëtuar jetët e pacientëve dhe kujdesur për shëndetin e tyre.

Mbështetje e plotë për organet e drejtësisë që janë duke hetuar dhe vendosur para drejtësisë përgjegjësit e kësaj situate kriminale. Respekt për gazetarët profesionistë të emisionit Vetting dhe gjithë emisioneve të tjerë investigues”, shkruan Dasho./ CNA





Lajmet e fundit nga