E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

"Jetojmë shëndetshëm, ushqehemi me kujdes"/ Ministria e Shëndetësisë dhe Drejtoria e Kujdesit Shëndetësor aktivitet në Shkodër

4 Qershor 2025, 16:10, Sociale CNA

"Jetojmë shëndetshëm, ushqehemi me kujdes"/ Ministria e

“Jetojmë shëndetshëm – Ushqehemi me kujdes”, është aktiviteti i zhvilluar nga Operatori i Shërbimeve të Kujdesit Shëndetësor në kuadër të Ditës Botërore të Sigurisë Ushqimore. Drejtoresha e Përgjithshme e OSHKSH, Jeta Deda, u shpreh se thirrja për qytetarët është që të ushqehen në mënyrë të shëndetshme.

“Është një ditë ku ne u bëjmë thirrje jo vetëm gjithë qytetarëve për t’u ushqyer në mënyrë të shëndetshme, por nga ana tjetër për të parë dhe ne vetë si politikëbërës ku jemi me prioritetet tona për të rregulluar atë që kemi objektiv të rëndësishëm të strategjisë sonë që është shëndeti dhe mirëqënia për të gjithë. Kemi dy qëllime kryesore që janë investimi për qytetarin gjatë gjithë ciklit të jetës dhe kjo do të thotë që ne të investojmë edhe për shëndetin e fëmijëve, edhe për të moshuarit, edhe për grupet më vulnerabël dhe shtylla e dytë kryesore është mbulimi i shëndetit universal që do të thotë ne, për sa u përket shërbimeve tona shëndetësore, të jemi të arritshëm kudo ku jetojnë njerëzit, të kenë shërbim shëndetësor edhe në zonat periferike apo në zonat që nuk janë lehtësisht të arritshme”, tha Deda.

Drejtori Rajonal i Kujdesit Shëndetësor në Shkodër, Visar Jerina, tha se qëllimi i aktivitetit është informimi i qytetarëve që të jenë sa më të sigurtë në përzgjedhjen e ushqimeve.

“Aktiviteti që po organizojmë zhvillohet në kuadër të ditës së sigurisë ushqimore dhe ka si qëllim që të informojë qytetarët në lidhje me mënyrën e të ushqyerit dhe të informohen se si duhet që t’i zgjedhin ushqimet në mënyrë që të jenë sa më të sigurtë dhe sa më të shëndetshëm. Siguria ushqimore gjithmonë ka nevojë për përmirësim, por mendoj se janë bërë disa hapa përpara”, u shpreh Jerina.

Në këtë aktivitet pati disa panele diskutimi me të ftuar mjekë dhe ekspertë të sigurisë ushqimore duke dhënë këshillat e tyre për mirushqyerjen./CNA