web counter
LEXO PA REKLAMA!

SHKARKO APP

App Store
Google Play

E fundit!

x

Aksidentet rrugore u ulën në prill, por sjellja e drejtuesve të mjeteve mbetet problem

28 Maj 2025, 15:33, Sociale CNA

Aksidentet rrugore u ulën në prill, por sjellja e drejtuesve të

Të dhënat zyrtare tregojnë se aksidentet rrugore pësuan një rënie në prill 2025 në raport më të njëjtin muaj të një viti më parë.

Sipas Institutit të Statistikave që publikoi të dhënat paraprake në muajin e katërt të vitit numërohen 112 aksidente rrugore, nga të cilat 162 persona janë të aksidentuar (të vrarë dhe të plagosur).

“Gjatë periudhës janar-prill 2025, numri i aksidenteve rrugore është ulur me 17,4%, krahasuar kjo me të njëjtën periudhë të një viti më parë”, vlerësoi INSTAT.

Nga analiza e të dhënave mbi shkaqet pse kanë ndodhur aksidentet duket se dominon ajo e zakonshmja dhe që lidhet me sjelljen e shoferëve në timon.

“Aksidentet rrugore, në 93,8% të rasteve, kanë ndodhur si pasojë e sjelljes së drejtuesit të mjetit. Numri më i lartë i aksidenteve, në këtë periudhë, është kryer nga grup-moshat 45-59 vjeç, duke zënë 23,2% të numrit të aksidenteve gjithsej”, thuhet në publikim.

Sipas INSTAT në muajin prill 2025, numri më i lartë i aksidenteve rrugore ka ndodhur përgjatë ditës së hënë me 18,8%, ndërsa numri më i ulët i aksidenteve ka ndodhur përgjatë ditës së mërkurë dhe të shtunë, me nga 11,6% secila.

Numri më i lartë i aksidenteve rrugore ka ndodhur përgjatë harkut kohor 08:00 – 12:00, duke zënë 22,3% të numrit të aksidenteve rrugore gjithsej./ Revista Monitor





Lajmet e fundit nga