web counter
LEXO PA REKLAMA!

SHKARKO APP

App Store
Google Play

E fundit!

x

Panik në Postribë/ Ngordhin bagëtitë, i paqartë lloji i infektimit

3 Qershor 2025, 12:26, Sociale CNA

Panik në Postribë/ Ngordhin bagëtitë, i paqartë lloji i

Një fermë në fshatin Domen të Postribës në Shkodër është vënë në karantinë nga Drejtoria Rajonale e Veterinarisë, për shkak se disa prej kafshëve të imëta, dhi, kanë rezultuar të infektuara. Pronari i kësaj ferme, Zamir Milani, thotë se i kanë ngordhur 3 krerë dhe një tjetri 6 të tjera, ndërsa ka informacion se kjo sëmundje është përhapur edhe te delet në atë zonë, por sipas tij fermerët e tjerë nuk flasin për shkak se mund të shkaktohet një lloj frike te besimtarët muslimanë që therin bagëtitë, pasi jemi në prag të Kurban Bajramit.

Panik në Postribë/ Ngordhin bagëtitë, i paqartë lloji i

 “Kjo situatë ka prej dy javësh që unë e kam shqetësim. Deri tani kanë ngordhur 2 prej tyre dhe një tjetër ka mbetur në mal dhe besoj edhe ajo ka ngordhur. Unë kërkoj të zbulohet sëmundja sepse kam 6 milionë lekë të vjetër investim në këtë fermë. Nëse shkojmë në pazar, nuk ka asnjë bagëti të matrikulluar. Para 3 muajsh kam bërë blerjet. Nga një bisedë me një fermer në Berat, që e njoh, më tha se dhitë vijnë nga Greqia. Greqia pastron fermat e veta dhe na i sjell ne të infektuara. Ka edhe ferma të tjera në zonë që mund ta kenë këtë problem dhe besoj është përhapur edhe te delet, por kanë frikë të flasin sepse jemi para Kurban Bajramit. Unë i kam blerë për qumësht dhitë dhe më përpara bënin 45 litër qumësht, tani vetëm 10 litër. Unë mendoj se 60% është e përhapur në zonën tonë”,-tregon pronari i fermës, Milani.

Fermeri shprehet se ka investuar 600 mijë lekë të rinj për të ngritur fermën dhe ka shpenzuar mbi 40 mijë lekë të rinj ilaçe për bagëtitë, por deri tani nuk ka gjetur zgjidhje.

“Përveçse 6 milionë lekë të vjetër investim, kam shpenzuar edhe mbi 400 mijë lekë të vjetër ilaçe. Jam munduar që t’i shërbej, por nuk po arrij. Unë dua që të shpëtojmë të tjerat. Patjetër që më dëmton ekonomikisht. Unë këtu në zonën tonë shoh edhe një paaftësi të veterinerëve lidhur me këtë çështje”,-tha Milani.

Në këtë fermë mbërritën inspektorët e Drejtorisë Rajonale të Veterinarisë në Shkodër, duke e vendosur në karantinë, ndërsa inspektori Muhamet Bisho thotë se do të dërgohen urgjentisht analizat pranë Institutit të Referencës Veterinare në Tiranë, pasi është e paqartë sëmundja që ka prekur dhitë në Postribë.

Panik në Postribë/ Ngordhin bagëtitë, i paqartë lloji i

 “Sapo kemi marrë informacion zyrtar, kemi ardhur këtu dhe kemi marrë analizat që do të dërgohen urgjentisht në Institutin e Referencës Veterinare në Tiranë. Është e paqartë se me çfarë sëmundjeje janë prekur dhitë, ndaj edhe do të bëhen analizat. Blerja e bagëtive të imëta nga fermeri këtu është bërë për certifikatë matrikullimi dhe ky është një problem. Zakonisht këto sëmundje prekin maksimalisht deri në 30% të bagëtive në fermë. Deri më tani nuk kemi informacion për ndonjë fermë tjetër dhe nëse dikush ka probleme duhet që të na njoftojnë menjëherë. Këtë fermë këtu e kemi vënë në karantinë deri në ardhjen e përgjigjes dhe marrjen e masave të duhura. U bëj thirrje fermerëve që kur të blejnë bagëtitë t’i marrin me certifikatë matrikullimi”,-tha Muhamet Bisho, nga Drejtoria Rajonale e Veterinarisë Shkodër.

Tregtimi dhe lëvizja e bagëtive të imëta dhe të trasha është një shqetësim i përhershëm edhe prej vetë fermerëve në fshatrat e Shkodrës, por shpeshherë janë shprehur se nuk kanë një mundësi tjetër sepse në treg nuk ka të matrikulluara, duke bërë që rreziku i prekjes nga sëmundjet të jetë i lartë./CNA





Lajmet e fundit nga