web counter
LEXO PA REKLAMA!

SHKARKO APP

App Store
Google Play

Historia e trishtë e Kalo Kalajt/ 58-vjeçari, apel bashkisë: Më ndihmoni

15 Dhjetor 2024, 13:25, Sociale CNA

Historia e trishtë e Kalo Kalajt/ 58-vjeçari, apel bashkisë:

CNA sjell ditën e sotme një rast të trishtë të Kalo Kalajt, 58 vjeç, banor i fshatit Dragot Tepelenë.

Pas një aksidenti të rëndë nga i cili ka humbur aftësitë e tij për të punuar dhe siguruar jetesën, Kalo tregon për CNA se nuk ka mbështetje sociale dhe merr vetëm 7 mijë lekë pension.

Kalaj thotë se këto para nuk i mjaftojnë as për të siguruar ilaçet dhe as për ushqim.

58-vjeçari u është drejtuar me një apel autoriteteve për të siguruar një banesë ku mund të jetojë me bashkëshorten e tij, ushqim dhe kushtet e nevojshme që i duhen për të jetuar, por bashkia nuk i ka dhënë asnjë asistencë.

“Jam invalid. Jetoj këtu, kam bërë një aksident në Tiranë para 3 vitesh dhe jam me protezë. Të ardhura të tjera nuk kam. 7000 lekë të reja marr. Jetoj me gruan këtu në qiell të hapur. S’kam ku jetoj tjetër. Shtëpia që kisha m’u shemb. Me 7000 lekë pension, unë nuk i bëj dot më. Ja, shiko, bukë thatë edhe atë ma jep shoqëria që rroftë dhe për të. Bashkëshortja është pa punë. Me lekët e mia rrojmë. Ndihmë nga bashkia kemi kërkuar, por nuk na kanë dhënë. Unë kërkoj ndihmë ndonjë shtëpi të fus kokën se me 7000 lekë nuk jetohet se unë sakat jam, po të isha i saktë nuk do kërkoja. Në prill mua më pritet kempi. Shteti të vërë dorë”, - ka rrëfyer ndër të tjera 58-vjeçari./ CNA





Lajmet e fundit nga