web counter
LEXO PA REKLAMA!

SHKARKO APP

App Store
Google Play

E fundit!

x

Gjendjet psikoemocionale me ngarkesë negative/ Si ndikojnë në trasformimin biokimik në organizëm

19 Shtator 2022, 15:03, Sociale CNA
Gjendjet psikoemocionale me ngarkesë negative/ Si ndikojnë në
Foto ilustruese

Gjendjet psikoemocionale me ngarkesë negative, si zemërimi, frika, turpi, faji,vetmia, trishtimi e të tjera, ndikojnë në trasformimin biokimik në organizëm.

Situata biokimike e vendosur, vazhdon të jetë prezente në organizëm edhe pasi ka përfunduar shkaku që krijoi situatën. Pikërisht pasojat e kësaj jetëgjatësie që provokohen nga situatat negative, janë në qendër të vëmendjes dhe studimeve të shkencëtarëve.

Ata kanë arritur në përfundime se përjetimet negative, si zemërimi, frika, vetmia, turpi, ndjenja e fajit, trishtimi e të tjera, provokojnë situata biokimike në organizëm që prishin procesin normal të zhvillimit dhe rritjes, në veçanti të masës trunore. Ata insistojnë se “terrori që përjeton një fëmijë, kur përballet me një prind të dhunshëm apo që e frikëson, nuk duhet nënvlerësuar, pasi është një frikë pa rrugëdalje.

Është një frikë pa rrugëdalje sepse pikërisht ata, prindërit, që duhet ta mbrojnë e ta duan, e tmerrojnë. Kjo frikë “prish” ekuilibrin e trasmetitorëve ngacmues të trurit si “glutamati” që është nga neurotrasmetitorët më të fuqishëm, i cili luan rol kryesor në aktivizimin neural, dhe sidomos vepron në sistemin limbik.

Sistemi limbik merret me memorien afatshkurtër, emocionet dhe ndjenjën e vetedijësimit. Ky sistem me rëndësi të veçantë për njeriun, kërkon përkujdesje që në fillimet e jetës, pra në fëmijërinë e hershme, pasi mund të pengohet lehtësisht zhvillimi i plotë i këtij sistemi dhe pasojat vazhdojnë të shfaqen edhe në mosha madhore. 

Marrë nga "Facebook"-u i pediatres Lira Gjika





Lajmet e fundit nga