E fundit!

09:42 Aktualitet

“Jam i kërcënuar me jetë, si unë dhe familja ime”/ Flet ish i dënuari, akuza oficerit të policisë gjyqësore

Besmir Gjezari sot ka përfituar lirinë falë projektligjit ...

Spitali Hygeia: Ataku në zemër vs arresti kardiak, si të kuptoni diferencën midis tyre

12 Shtator 2025, 08:40, Shëndeti CNA

Spitali Hygeia: Ataku në zemër vs arresti kardiak, si të kuptoni

Shumë njerëz mendojnë se ataku në zemër dhe arresti kardiak janë e njëjta gjë – por nuk janë. Kuptimi i dallimit mes tyre mund të shpëtojë jetë.

Çfarë është ataku në zemër?

Ataku në zemër ndodh kur gjaku nuk arrin të qarkullojë në një pjesë të zemrës. Shkaku kryesor është bllokimi i enëve të gjakut të zemrës. Kur qarkullimi ndërpritet, muskuli i zemrës fillon të dëmtohet.

Simptomat kryesore:

• Dhimbje ose presion në kraharor

• Dhimbja që shpërndahet në krahun e majtë, nofull ose shpinë

• Djersitje e tepërt

• Vështirësi në frymëmarrje

• Nauze ose marramendje

Simptomat nuk shfaqen gjithmonë menjëherë – shpesh fillojnë ngadalë dhe përkeqësohen me kohën.

Shkaqet kryesore: yndyrnat në arterie, hipertensioni, duhanpirja, stresi, diabeti dhe zakonet jo të shëndetshme të ushqyerjes.

Çfarë është arresti kardiak?

Arresti kardiak është krejtësisht ndryshe nga ataku në zemër. Ai ndodh papritur, kur zemra pushon së rrahuri. Si pasojë, gjaku nuk shkon më në tru dhe në organe të tjera jetike. Personi humbet ndjenjat, ndalon së marri frymë dhe bie përtokë. Kjo është një urgjencë jetike dhe kërkon trajtim të menjëhershëm.

Shkaqet më të shpeshta: probleme elektrike në zemër, sëmundje kardiake, trauma të forta, mbytje nga uji, çrregullime të ritmit të zemrës, madje edhe pa paralajmërim tek persona të shëndetshëm.

Si duhet të veproni?

Atak në zemër (Ndihma e parë):

1. Thërrisni menjëherë urgjencën

2. Mbajeni personin të qetë dhe ulur

3. Jepni aspirinë (nëse nuk ka alergji)

4. Lirojini rrobat e ngushta

Në arrest kardiak:

1. Lajmëroni urgjencën pa humbur kohë

2. Filloni CPR (masazh kardiopulmonar) menjëherë. Kontrolloni me shpejtësi nëse personi jokoshient merr frymë. Nëse vëreni se ai nuk merr frymë filloni CPR. Shtypni në të dyja duart shpejt dhe fort në kraharorin e personit në një frekuence 100-120 shtypje numerike vazhdoni të kryeni masazhin kardiak derisa të paraqitet personeli mjekësor.

3. Përdorni AED (defibrilator automatik), nëse është i disponueshëm

4. Vazhdoni deri në mbërritjen e ekipit të mjekëve të urgjencës

Konkluzion

Edhe pse të dyja janë gjendje të rrezikshme, ataku në zemër është problem qarkullimi, ndërsa arresti kardiak është problem elektrik i zemrës. Njohja e shenjave – si dhimbja e kraharorit apo kolapsi i papritur – dhe reagimi i shpejtë me ndihmën e duhur mund të shpëtojë jetë.

Nëse keni faktorë rreziku apo histori sëmundjesh të zemrës, mos neglizhoni, por konsultohuni dhe kryeni kontrolle të rregullta te mjeku specialist kardiolog!

Spitali Hygeia: Ataku në zemër vs arresti kardiak, si të kuptoni