E fundit!

08:12 Politikë

“I shari shan, i mençuri mendon”/ Rama ndan mesazhin e qytetarit

Kryeministri Edi Rama ka ndarë në rrjetet sociale postimin...

Shëndeti i zorrëve/ Ushqimet që duhet të konsumoni

26 Dhjetor 2023, 19:15, Shëndeti CNA

Shëndeti i zorrëve është i lidhur me sistemin imunitar dhe shëndetin tonë mendor. Ai luan të njëjtin rol në arritjen e jetëgjatësisë. Mikrobioma e zorrëve, e përbërë nga triliona baktere, ndikohet nga faktorë të jashtëm, si dieta dhe stresi, por edhe nga ritmi cirkadian.

Prandaj, ndiqni këshillat e mëposhtme, për t'i jetuar vitet tuaja me shëndet sa më të mirë.

Konsumoni ushqime të fermentuara

Kimchi koreane, lakër turshi, turshitë dhe kosi forcojnë mikroflorën e zorrëve duke kontribuar gjithashtu në forcimin e imunitetit. Produktet e fermentuara sjellin një ekuilibër në mikrobiomën e zorrëve, duke rritur diversitetin e mikrobeve në zorrë.

Lidhu me natyrën

Përfitimet e tokëzimit për shembull ecja zbathur jashtë në natyrë, mund të ndikojë në shëndetin e përgjithshëm të zorrëve. Toka është e pasur me mikrobe aktive, kështu që ju jeni duke mbështetur një mikrobiom të shëndetshëm të zorrëve. Studiuesit kanë zbuluar se ata që jetonin në zonat urbane kishin mikrobe më pak aktive të zorrëve sesa ata që jetonin në një mjedis rural.

Pasuroni mëngjesin tuaj me prebiotikë

Vakti i parë i ditës duhet të na mbushë me energji por edhe të forcojë funksionin e zorrëve: “Prebiotikët shërbejnë si burim ushqimi për bakteret ‘të mira’ të zorrëve, pasi mbështesin rritjen dhe aktivitetin e tyre” vëren Dr.Macarena. Frutat, si banania dhe molla, janë burime të mira të fibrave dietike dhe prebiotikëve, si dhe drithërat.

Shtoni marrjen e fibrave

Zarzavatet , të tilla si rrepka dhe rukola, por edhe perimet krucifere, të tilla si lakra e Brukselit, janë të pasura me antioksidantë dhe kontribuojnë në shëndetin e zorrëve." Kur futni këto lloj ushqimesh në zorrë, ju ndihmoni në ruajtjen e një mikrobiome të ekuilibruar dhe të larmishme" konfirmon Dr. Macarena Staudenmaier.

Hani çokollatë!

Por jo çdo çokollatë, pasi çokollata me qumësht nuk rekomandohet për shëndetin e zorrëve. Në të kundërt, çokollata e zezë është e lartë në fibra prebiotike, e cila ndihmon në ruajtjen e shëndetit të zorrëve./ CNA