E fundit!

21:59 Politikë

Zgjedhja e strukturave drejtuese të PD-së/ Nis numërimi i votave në selinë blu

Ka nisur procesi i numërimit të votave për zgjedhjen e str...

Sa orë duhet të presim për të fjetur pas një darke të rëndë

14 Janar 2025, 22:06, Shëndeti CNA

Sa orë duhet të presim për të fjetur pas një darke

Foto ilustruese

Ekspertët kanë identifikuar 2 arsye konkrete përse njeriu duhet të shmangë gjumin direkt pas të ngrënit, sidomos në darkë.

Tretja Dhe Mbipesha

Qëndrimi shtrirë pas ngrënies së nja vakti të rëndë tingëllon shpërblyes por për tretjen është një makth i vërtetë.

Tretja është një proces që duhet bërë kur njeriu qëndron në pozicion vertikal.

Kur stomaku është plot me ushqim dhe graviteti nuk është më në favorin tuaj, aciditeti i stomakut (që shtohet në volum e sasi gjatë tretjes) ngjitet lart nëpërmjet ezofagut dhe shkakton refluks acidi.

Simptoma kryesore është urthi, ndjesia e dhimbshme e djegies në mes të kraharorit.

Probleme të tilla do ju lënë pa gjumë dhe janë një eksperiencë jo e mirë.

Nga ana tjetër, jo të gjitha ushqimet kanë të njëjtin ndikim nëse konsumohen vonë në mbrëmje.

Për shembull, nëse para gjumit hani një copë pice të mbushur me karbohdirate e yndyrë dhe e shoqëroni me një pije të gazuar, ju me siguri do të përballeni me refluksin më të keq të aciditetit në jetë.

Nëse hani një kivi para gjumit, ai padyshim do ju bëjë mirë se ky fut ka përbërës që përshpejtojnë gjumin.

Veç këtyre, ngrënia e ushqimeve të rënda në mbrëmje është një faktor nxitës i mbipeshës, ndaj duhet shmangur.

Stomaku Plot, Gjumë i Trazuar

Sipas ekspertëve, konsumi i ushqimeve të rënda para gjumit e vështirëson ardhjen e tij.

Kafeina, alkoli, yndyra e tepërt prishin cilësinë e gjumit dhe e trazojnë atë duke penguar kështu një sërë procesesh rehabilituese për organizmin.

Nëse ju hani dhe pini rëndë përpara gjumit, ju do të zgjoheni disa herë gjatë natës për të shkuar në banjë dhe kështu nuk do të flini mirë.

Veç kësaj, si pasojë e ushqyerjes së rëndë, truri mbetet aktiv dhe mund të shihni shumë ëndrra të këqija.

Kur Duhet Të Shtrihemi Për Të Fjetur Pas Darkës?
Ekspertët sugjerojnë që të prisni një orë pas ushqyerjes për tu shtrirë për të fjetur.

Nëse ju hani hamburger apo biftek në mbrëmje atëherë duhet të prisni tre orë dhe më pas të flini./AgroWeb.org