web counter
LEXO PA REKLAMA!

SHKARKO APP

Rast suksesi/ Realizohet një operacion i rrallë për herë të parë në Shqipëri

10 Prill 2024, 18:38, Shëndeti CNA

Rast suksesi/ Realizohet një operacion i rrallë për herë

Një rast suksesi është arritur në spitalin “Shefqet Ndroqi”, në Tiranë.

Mjekët kanë realizuar për herë të parë një operacion të rrallë, rezeksionin e trakesë.

Rezeksioni i trakesë u krye te një pacient 30 vjeçar që ishte diagnostikuar me një stenozë të rëndë të trakesë dhe fistul trakeo-ezofageale, si pasojë e intubimit të zgjatur.

Lajmin e ka bërë të ditur kryeministri Edi Rama, i cili ka falenderuar mjekët dhe infermierët që kryen këtë ndërhyrje.

Rast suksesi/ Realizohet një operacion i rrallë për herë

“Realizohet për herë të parë një operacion i rrallë në mjekësinë shqiptare. Rezeksioni i trakesë tek “QSR Tiranë Shefqet Ndroqi” u krye tek një pacient 30 vjeçar që ishte diagnostikuar me një stenozë të rëndë të trakesë dhe fistul trakeo-ezofageale, si pasojë e intubimit të zgjatur. Në këtë ndërhyrje tepër komplekse që realizohet vetëm në klinika shumë të specializuara nëpër botë, pacientit iu realizua rezeksion prej 3 cm i pjesës së sipërme të trakesë dhe u realizua anastmoza e suksesshme trakeo-laringeale.

Mirënjohje ekipit të mjekëve dhe infermierëve: Prof. As. Fatmir Caushi, Dr. Shkencave Ilir Skenduli, Dr. Alban Hatibi, Dr. Fahri Kokiqi, Dr. Eljana Shima, Dr. Shkencave Ilir Peposhi dhe Inf, Manushaqe Osma, Inf. Valbona Bulku si dhe Inf. Mirjeta Almeta”, shkruan Rama./ CNA





Lajmet e fundit nga