Vrasja në “Don Bosko” dhe arrestimi i nënës lehonë/ Berisha, akuza qeverisë

16 Mars 2023, 13:51, Politikë CNA

Vrasja në “Don Bosko” dhe arrestimi i nënës

Kreu i Partisë Demokratike, Sali Berisha, në fjalën e tij nga foltorja e Kuvendit u shpreh mbi masakrën që ndodhi në “Don Bosko”, me një të vrarë dhe 5 të plagosur dhe arrestimin e nënës lehonë në Shkodër, Diana Bahçjas, e cila u arrestua pasi nuk kishte paguar një gjobë të vendosur më parë.

Kryedemokrati tha se mbi të dyja ngjarjet e ndodhura nuk ka pasur asnjë reagim nga ministret duke u shprehur se Kryeministri Edi Rama edhe të shkojë në Karaibe, do të përgjigjet për vjedhjet.

Ai gjithashtu ka akuzuar kryeministrin Edi Rama si të korruptuar.

Fjala e plotë e Sali Berishës:

“Tema e rendit të ditës që ka të bëjë me integrimin europian, kemi mbështetur pa rezerva çdo akt në funksion të këtij procesi. Ky akt është thjesht një letër e vdekur, pasi ju veproni çdo ditë në kundërshtim me parimet e procesit. Por fillimisht dua të ndalem në dy ngjarje tragjike. 3-4 netë më parë në krye të detyrës teksa punonte për të mbajtur mbesën e vogël, bie nga breshëritë e kriminelit, banditit të qeverisë, një punonjëse, Mimoza Paja, me breshëri plagosen dhe 5 të tjerë. Kjo është një vepër e nxitur nga politika. I dyshuari për vrasje ishte liruar nga të gjitha detyrimet me ndërhyrje politike nga lart, ju keni shpallur si platformë dorëzimin e rendit në duart e krimit. 'T’i hanë kokat njërit-tjetrit', ka thënë Rama publikisht. Është një licencë për të vrarë njëri-tjetrin. Por nga ana tjetër, kjo deklaratë është njëkohësisht asgjësim i ligjeve të vendit. Pra, vrasës të tjerë shkrehën breshëri dhe vranë një nënë në banak dhe plagosën, 5 të tjerë sepse kjo është platforma e Edi Ramës. Dënoj këtë standard që përputhet me rregullat e mafies dhe shpellat e saj. Për herë të parë pardje kontrollova 'Facebook'-un e këtyre ministreve dhe mendova se do të ishin tronditur se një nënë lehonë ishte marrë nga një bandë policësh. Nuk gjeta asnjë fjalë zonja ministre. Lehona në burg me fëmijë 8-ditësh në shtëpi, dhe nga ju nuk u tha asnjë fjalë. Zonja të nderuara mos harroni se jeni nëna. Paraja nuk duhet t'ju verbojë në këtë mënyrë, përfaqësoni gratë dhe vajzat, s’mund të bëheni kaq të pandjeshme. Sot jam këtu për të denoncuar Edi Ramën për bllokimin që i bën parlamentit. Rama nuk sjell ligjin sepse i dalin Sarajet e Surrelit të ndërtuar nga themelet dhe dy kate nën tokë dhe 5 mijë metra katror oborr. Këshilltari i Ota Xhackës, këshilltari i Edi Ramës, ka vjedhur në Europë. Po vidhen pasuri të buxhetit të shtetit. Në 9 muaj janë vjedhur 123 mld lekë. Unë i betohem se, le të shkojë në Karaibe, por Rama do të bëhet përgjegjës për të gjitha vjedhjet”, tha Berisha.

Pas daljes nga Kuvendi, Berisha denonci dhe kryeministrin Edi Ramën, i cili sipas tij kishte si ndërmjetësues ish-agjentin e FBI, McGonigal për tre fushat e GazPromit.

“Unë i denoncova për burgosjen e lehonës që nuk ka ndodhur kurrë që nga vitet 50. Reagimi i tyre ishte fajin e ka Saliu. Ulsi Manja krimineli elektoral u ngrit dhe tha që jam krenar për krimet që ka kryer.

E denoncoj me forcën më të madhe. E morët vesh që McGonigal është ndërmjetësi i tre fushave për GazPromin me Edi Ramën. E morët vesh si kanë përizerë aksione Rama me McGoniogal”, u shpreh Berisha./CNA.al