web counter
LEXO PA REKLAMA!

SHKARKO APP

App Store
Google Play

E fundit!

x

Margariti ironizon Zhupën/ “Përpjekja më e arrirë e opozitës është lënia në harresë”

16 Mars 2023, 12:28, Politikë CNA
Margariti ironizon Zhupën/ “Përpjekja më e arrirë e
Ministrja e Kulturës, Elva Margariti

Ministrja e Kulturës, Elva Margariti, i është kundërpërgjigjur deputetes Ina Zhupa, me nota ironie.

Teksa Zhupa iu drejtua duke thënë që në planet e Margaritit janë vetëm koncensionet, ministrja i është përgjigjur duke thënë se përpjekja më e arrirë e opozitës është lënia në harresë.

“Të zhdukim zhurmën e kacavjerrjes. Ju duket çdo gjë sterrë. Trashëgimia kulturore kërkon mbi të gjitha vizion, por kjo ju mungon se edhe një trashëgimi kulturore e privatizuar. Çfarë ndodh kur opozitarizmin e konsideroni luks dhe jo përgjegjësi dhe mungesës së një debati bazuar mbi argumente dhe logjikë. Krijimtaria juaj kapi kulmin kur kuptuat që mund të bëni lokale e kioska pranë kalave. Përpjekja më e arrirë ishte mungesa e çdo veprimi dhe lënia në harresë.

Kjo është merita më e madhe se e kuptuat trashëgiminë kulturore si plaçkë të vjetër të hedhur në sënduk dhe e quani fatkeqësi faktin që investohet. Ne e çojmë përpara trashëgiminë kulturore, nuk është vetëm guri i parë i vënë, por çdo shtresëzim i njerëzimit. Nuk mund ta zgjas e të jap shembullin e krijimit të identitetit për ata që identitetin e kanë harruar. S’dua ta përplas më fjalën time në mure e karrige”, tha Margariti./ CNA.al





Lajmet e fundit nga