E fundit!

13:58 Aktualitet

Abuzuan me fondet dhe skemën e ndihmës ekonomike/ Jepen masa sigurimi për 6 funksionarë

Me kërkesë të Prokurorisë pranë Gjykatës së Shkallës së Pa...

Veliaj mashtron dhe në gjyq/ Akuzon se prokurorët e SPAK i kanë kërkuar vende pune në bashki

31 Tetor 2025, 16:37, Politikë CNA

Veliaj mashtron dhe në gjyq/ Akuzon se prokurorët e SPAK i kanë

Ish-kryebashkiaku i Tiranës, Erion Veliaj i marrë i pandehur për 13 akuza në lidhje me 5 vepra të rënda penale ka vijuar dhe ditën e sotme shpifjet dhe sulmet ndaj drejtësisë.

Në seancën e sotme në Gjykatën Kushtetuese, Veliaj ka thënë se monopolin e shkatërrimit të një jete publike e ka prokurori i posaçëm.

Më tej, Veliaj ka thelluar dhe më shumë shpifjen e stisur bashkë me “ushtarin” e tij Mero Baze, në lidhje me lejen e ndërtimit të pretenduar se është kërkuar nga prokurori Ols Dado.

Ish-kryebashkiaku ka thënë se prokurorët e posaçëm kërkojnë që të futen njerëzit e tyre në punë në bashki.

CNA e ka faktuar se Erion Veliaj dhe Mero Baze kanë mashtruar për njërin nga prokurorët e çështjes, Ols Dado se tjetri është kreu aktual i SPAK, Altin Dumani.

Prej gati 80 ditësh, CNA u ka kërkuar Erion Veliajt dhe Mero Bazes të publikojnë kërkesën për leje ndërtimi të pretenduar se është bërë nga prokurori i SPAK, Ols Dado.

Kërkesë që nuk ekziston, ashtu siç nuk ekziston dhe inceneratori i Tiranës.

As refuzimin e bërë nuk e publikoi.

Ish-kryetari i bashkisë i shkarkuar nga Këshilli Bashkiak me firmë dhe të qeverisë, të kryeministrit Rama, kryetarit të partisë së tij duhet të na tregojë se kush nga prokurorët i ka kërkuar vend pune. Tani këtu jemi ose përballë një mashtrimi të radhës ose një lojë, sepse Veliaj sërish duhet ta sqarojë. Kush është personi që ia ka kërkuar vendin e punës?

Ose më mirë është të na tregojë se sa persona ka strehuar në Bashkinë e Tiranës nga prokurorët që punojnë në SPAK. Ndoshta ata janë qytetarë të lirë, kanë të drejtë të punojnë ku të munden. Se s’do të thotë të jehs prokuror në SPAK dhe mos të punojnë familjarët kudo.

Ne kemi denoncuar dhe raste të prokurorëve të SPAK që kanë pasur njerëz të punësuar në bashki, në një administratë prej mijëra vetësh. Por tani që e ka artikuluar dhe vetë publikisht, zoti Veliaj duhet të na thotë se cili nga prokurorët e çështjes së tij apo gjyqtarët që e kanë gjykuar nga fillimi i procedimit penal deri më sot i kanë kërkuar një vend pune në bashki.

Është gati më shumë se një vit nga fillimi i procedimeve penale dhe arrestimit të tij apo vendimeve të gjykatave. Erion Veliaj e ka përmendur dhe njëherë tjetër këtë gjë duke ngritur dyshime. Tani duhet të dalë dhe t’i sqarojë, jo vetëm të hedhë shashka. Të na tregojë cilët nga prokurëve u ka punësuar familjarë, cilët janë ata që i kanë kërkuar dhe pse e ka bërë këtë Erion Veliaj.

Në rast se e ka bërë sipas ligjit janë qytetarë dhe kanë të drejtë të punësohen. Por në rast se e ka bërë në shkelje të ligjit, përgjegjësia është sërish e Erion Veliajt dhe ndoshta këto punësime mund t’i ketë bërë për interesa që ne ende si dimë. Tani është koha që Erion Veliajt t’i thotë këto të gjitha. Nga e para tek e fundit.

Deklarata e Veliajt në Gjykatën Kushtetuese

Monopolin e shkatërrimit të një jete publike e ka prokurori i posaçëm.

Ndoshta Këshilli i Ministrave do të më dëgjonte po t’u thoja që jam këtu nga një Nesti Angoni.

Prokurorët e Posaçëm u kërkojnë punonjësve të bashkisë të fusin njerëzit në punë, kërkojnë leje ndërtimi dhe pastaj i thonë avoakatit të kryetarit të bashkisë ia tregoj unë atij./CNA