web counter
LEXO PA REKLAMA!

SHKARKO APP

App Store
Google Play

Berisha bën mbrojtësin e Veliajt: Në një vend demokratik, procedura është themelore

31 Tetor 2025, 13:10, Politikë CNA

Berisha bën mbrojtësin e Veliajt: Në një vend demokratik,

Mbrojtjen e Veliajt, përveç avokatëve, e ka bërë sot kreu i PD-së, Sali Berisha.

Berisha mbajti të njëjtin qëndrim si Veliaj për demokracinë duke thënë se në një vend demokratik, procedura është themelore dhe përcaktuese për të drejtat e njeriut, për shtetin ligjor, për të gjitha.

“Kaq vite më parë, në 'X' qytet të Kolumbisë, FARC-u rrëmbeu kryetarin e bashkisë.

Ai bëri paralelizëm që FARC-u më rrëmbeu edhe mua në Bashkinë e Tiranës.

Por, po të kemi parasysh procedurat ligjore të një vendi demokratik, ne nuk mund të themi se ato nuk u shkelën tërësisht njëlloj si ato të FARC-ut.

Të themi të vërtetat. Ne e kemi mbështetur dhe e mbështesim arrestimin e tij, dënimin, etj., por prapë duhet të jemi të drejtë.

Vazhdojmë prapë, pse kjo ngjashmëri me FARC-un. Gjykatëses i thotë se fakti që jam këtu dhe më thirrët është shembull i ligjit, më njohët një të drejtë ligjore, por në Këshillin Bashkiak bënë 9 vendime brenda ditës. U bënë 9 vendime brenda ditës, imagjinoni, se si të lani duart me mua, dhe u lumtë këshilltarëve tanë, që ndonëse kishin një armik përballë, por në çdo rast të drejtat e njeriut janë më thelbësoret. Kërkuan me insistim që ai të dëgjohet në sallën e këshillit.

Kërkuan me kërkesë të veçantë që ai të sillej, të dëgjohej. Jo, tha, nuk munda. Pse i solla këta dy shembuj? Jo, aspak se ai është as i penduar, as i pafajshëm. Jo, jo.

Por prapë në një vend demokratik, procedura është themelore. Është përcaktuese për të drejtat e njeriut, për shtetin ligjor, për të gjitha”, tha ndër të tjera Berisha./ CNA





Lajmet e fundit nga