web counter
LEXO PA REKLAMA!

SHKARKO APP

App Store
Google Play

E fundit!

x

Tik Tak-et para mesnatës/ Ethet e garës, lëvizjet majtas, tërheqje dhe dorëheqjet

12 Mars 2025, 19:05, Politikë CNA

Tik Tak-et para mesnatës/ Ethet e garës, lëvizjet majtas,

Pas mesnatës do të dorëzohen në KQZ listat zyrtare të partive që do të garojnë në zgjedhjet e 11 Majit.

Ndërkohë gjatë këtyre orëve të fundit ka patur shumë tërheqje dhe dorëheqje.

Po ashtu ka patur lëvizje nga djathtas-majtas.

Lideri i Aleancës së Maqedonasve për Integrimin Evropian (AMIE), Vasil Sterjovski ka braktisur koalicionin Shqipëria Madhështore për të shkuar majtas te PS.

Një tjetër lëvizje nga djathtas-majtas ishte ajo e Alban Zenelit ish-deputetit të PD-së, i cili ka braktisur gjithashtu koalicionin për të shkuar te PS-ja.

Një nga emrat e dorëhequr në PS ishte Nasip Naço, i cili nuk do jetë në listën e kandidatëve të PS në Berat, pasi s'pranoi të jetë në listë të hapur.

Laert Duraj po ashtu është tërhequr nga gara, nuk do jetë në listën e hapur të PS në Gjirokastër.

Po ashtu është tërhequr nga gara edhe Klevis Xhoxhi në Elbasan, do ishte në listë në hapur të PS.

Një tjetër emër që është tërhequr pak orë para të dorëzohen listat është Hysen Kadiu nga radhët e PD-së. 

Po ashtu është tërhequr nga gara për deputete të qarkut Fier, Elisabeta Redhi, e cila doli e para nga primaret e PD-së nga kandidatet femra. 

Këto janë disa nga lëvizjet e forta që janë bërë vetëm pak orë para dorëzimit të listave finale.

Gjithçka ndodh, veprime pazare, njerëz që kalojnë sa PD-ja, sa te PS-ja.

Por këto nuk janë lëvizjet e vetme, pritet që deri në mesnatë të ketë shumë ndryshime./ CNA





Lajmet e fundit nga